“აეროფლოტის” მგზავრებს ნიკიტა მიხალკოვის ღვინით გაუმასპინძლდებიან

თუ სოჭის მიმართულებით ავიაკომპანია “აეროფლოტის” რეისით იფრენთ, ბორტზე მსახიობისა და რეჟისორის - ნიკიტა მიხალკოვის ღვინო “12”-ით გაგიმასპინძლდებიან.

რეჟისორმა ღვინოს სახელი თავისივე ფილმის “12”-ის პატივსაცემად დაარქვა. თავად ბოთლის ეტიკეტზეც ეს რიცხვია გამოსახული და მას ავტორის ხელმოწერა ამშვენებს. ყურძენი კი ამ ღვინისათვის რეჟისორისვე კუთვნილ ტოსკანურ ვენახში იკრიფება.

“ჩვენ ვამზადებთ მცირე რაოდეობის, მაგრამ ხარისხიან ღვინოს. “12” ეს ჩემი დებიუტია მეღვინეობაში, თანაც, მგონი, - წარმატებული, რადგან ხალხს იგი ძალიან მოსწონს. მიუხედავად იმისა, რომ დღეისათვის ღვინო შეზღუდული რაოდენობით მზადდება, თავი ვალდებულად ჩავთვალეთ, რომ სოჭის ოლიმპიადაზე მიმავალ სტუმრებს “აეროფლოტის” ბორტზე სწორედ ამ ღვინით გავმასპინძლებოდით.

© ღვინის კლუბი /Weekend