გამოქვეყნებულია: 30 ოქტომბერი, 2010 - 19:25
მოდის ლოკომოტივად აღიარებულმა ბრიტანელებმა ისევ უღალატეს თავიანთ მიდრეკილებებს ღვინის მიმართ. ავსტრალიიდან ღვინის იმპორტის სტაგნაციისთანავე, რასაც მოჰყვა ჩილესა და ახალი ზელანდიის ღვინოების წილის ზრდა ბაზარზე, პირველად ათწლეულის განმავლობაში იმატა ევროპული ღვინოების გაყიდვებმაც. AC Nielsen-ის მარკეტინგის ანალიტიკოსთა მონაცემებით, 2009 წლის მეორე ნახევრიდან 2010 წლის პირველ ნახევრამდე ესპანური ღვინოების გაყიდვებმა 10%-ით მოიმატა, რამაც თანხობრივად 152 მილიონი დოლარი შეადგინა. უნდა აღინიშნოს ის ფაქტიც, რომ თავიანთი უფრო წარმატებული ევროპელი კოლეგებისგან განსხვავებით, ფრანგ მეღვინეებს კვლავ გარკვეული პრობლემები აქვთ – პროდუქციის ექსპორტი 2%-ით დაეცა.
ავსტრალიური ღვინოების გაყიდვები უმნიშვნელოდ გაიზარდა და 1.74 მილიარდი დოლარი შეადგინა. ამერიკული ღვინოების გაყიდვა 5%-ით დაეცა (1.21 მილიარდი დოლარი), ჩილეურისა კი გაიზარდა 19%-ით (735 მილიონი დოლარი), 35%-ით მოიმატა მოთხოვნამ ახალი ზელანდიის ღვინოებზე. ნაწილობრივ, ამგვარი ცვლილებები ვალუტის მიმდინარე გადაცვლის კურსით აიხსნება, თუმცა, როგორც indianwineacademy.com გვარწმუნებს, აქ საქმე შესაძლოა უკვე ღვინის მომხმარებელთა გემოვნების კარდინალურ ცვლილებებთან გვქონდეს. ფაქტია, რომ ბრიტანელი მომხმარებელი დღეს უფრო და უფრო ხშირად აკეთებს არჩევანს იტალიურ ან ფრანგულ ღვინოზე.
© ღვინის კლუბი/“Weekend“
ბეჭდვა
თქვენი კომენტარი