სულ რამდენიმე დღეა ლონდონში დასრულდა მეათე საიუბილეო სადეგუსტაციო კვირეული Decanter - World Wine Awards. ჟიურის რანგში მონაწილეობის მისაღებად ლონდონში თავი მოიყარეს ღვინის სახელგანთქმულმა ოსტატებმა. 27 ქვეყნის 225-მა მსაჯმა 14 ათასი სახეობის ღვინო დააგემოვნა. ჟიურიში იყო სამი ყველაზე სახელგანთქმული სომელიეც: ანდრეა ლარსონი (Andreas Larsson), პაოლო ბასო (Paolo Basso) და ჟერარ ბასე (Gerard Basset). ღვინოების შეფასებაში მონაწილეობას იღებდნენ ასევე უმაღლესი ტიტულის მქონე პროფესიონალები – მათგან 75 ღვინის მაგისტრია (Master of Wine), 14 მათგანს კი მაგისტრი სომელიეს (Master Sommelier) წოდება აქვს მინიჭებული.
სადეგუსტაციო კონკურისის შედეგები, ცხადია, გამოვლენილია, თუმცა საზოგადოებისთვის ცნობილი მხოლოდ 2013 წლის 20 მაისს, ლონდონის ყოველწლიურ საერთაშორისო გამოფენაზე გახდება.
© ღვინის კლუბი/Weekend
ბეჭდვა
თქვენი კომენტარი