ჩინეთში ესპანური ღვინის გაყიდვებმა იმატა

გასულ წელს ესპანური ღვინის ექსპორტი ჩინეთში 465%-ით გაიზარდა. 2009 წელს ჩინეთის სახალხო რესპუბლიკაში ესპანეთიდან 8,4 მილიონი ლიტრი, 2010 წელს კი – 47,3 მილიონი ლიტრი ღვინო შევიდა. ღვინის ექსპორტის ზრდამ, თანხობრივი თვალსაზრისით, 11,6 მილიონი ევროდან 36,1 მილიონ ევროს მიაღწია, რაც ნიშნავს, რომ საქონელბრუნვა 312%-ით გაიზარდა. ასეთი თავბრუდამხვევი წინსვლა ძირითადად ჩამოსასხმელი ღვინის ექსპორტის მნიშვნელოვან ზრდას მიეწერება. 2009 წელს ჩინეთში 3,65 მილიონი ლიტრი ესპანური ჩამოსასხმელი ღვინო იქნა შეტანილი, ერთი წლის შემდეგ კი მონაცემები უკვე თითქმის ათჯერ გაიზარდა და 37,71 მილიონი ლიტრი შეადგინა. ბოთლის ღვინის ექსპორტიც ორჯერ გაიზარდა – 4,6 მილიონი ლიტრიდან (9,8 მილიონი ევრო) 9,5 მილიონ ლიტრამდე (20,1 მილიონი ევრო). ცქრიალა ღვინოების გაყიდვები 82%-ით გაიზარდა და 142 ათას ლიტრს მიაღწია. ესპანეთი ვენახების ფართობის მიხედვითაც ლიდერია – ამ ქვეყანაში ვაზი 1,2 მილიონ ჰექტარზეა გაშენებული, დაახლოებით 5500 ღვინის მეურნეობასა და მარანში წელიწადში 43 მილიონი ჰექტოლიტრი ღვინო იწარმოება.

© ღვინის კლუბი/Weekend