გამოქვეყნებულია: 22 აპრილი, 2012 - 17:58
არგენტინა და ჩილე სწრაფად მზარდი ჩინური ღვინის ბაზრის აქტიურ ექსპანსიაზე მუშაობენ. არგენტინის ღვინის მწარმოებელთა ფედერაცია პეკინში თავის წარმომადგენლობას უკვე ამ თვეში გახსნის. ჩინეთისთვის ღვინის მიწოდება არგენტინამ 1996 წელს დაიწყო. 2011 წლის მონაცემებით ჩინურ ბაზარზე ღვინის ექსპორტის მოცულობით მას უკვე მეექვსე ადგილი უჭირავს. ამჟამად არგენტინული ღვინის ერთი ბოთლი ჩინეთში დაახლოებით 19 ამერიკული დოლარი ღირს. ჩინეთში ჩილეური ღვინოებიც ძალზე პოპულარულია, მათი მოხმარება აქ ყოველწლიურად დაახლოებით 50%-ით იზრდება. 2010 წლის მონაცემებით ჩილემ ჩინეთს დაახლოებით 61 მილიონი ლიტრი ღვინო მიაწოდა, რომლის საერთო ღირებულებამაც 105 მილიონ დოლარს მიაღწია.
© ღვინის კლუბი/Weekend
ბეჭდვა
თქვენი კომენტარი