23 დეკემბერს CNN-მა გამოაქვეყნა მსოფლიოს წამყვანი მზარდი ტურისტული ადგილების ჩამონათვალი, რომელთა შორის ერთ-ერთი საქართველოა. გთავაზობთ ტექსტს უცვლელად:
„შუა საუკუნეების არქიტექტურის, მარადიული კულტურისა და გამაოგნებელი ხედების მიწა, საქართველო, უბრალოდ, მომნუსხველია.
სამხრეთ კავკასიის მთებით დამშვენებული ეს ტილო ერთნაირად იზიდავს მოლაშქრეებს, ცხენოსნებსა და მოთხილამურეებს.
თოვლით მოჩუქურთმებული მწვერვალები ეშვება თვალუწვდენელ დაბლობებში, სადაც ზვრებში მოქცეული საუკუნოვანი სოფლები უძველესი ტაძრებითა და სათვალთვალო კოშკებითაა მოფენილი.
რა ხდება ახალი?
იაფი ფრენა, ახალი მარშრუტები, გაუმჯობესებული ინფრასტრუქტურა და საცხოვრებელი პირობები საქართველოში 2016-ში დიდ სიახლეებს მოწმობს.
თბილისი, დედაქალაქი, სადაც ძველი და ახალი ერთმანეთთანაა შეზავებული, სადაც აივნებიანი სახლები და ქვაფენილით მოკირწყლული ხეივნები გალერეებსა და კაფეებს უერთდება.
„ამ რეგიონს შეუძლია ისარგებლოს შუა აღმოსავლეთში არსებული არასტაბილურობით და მსგავსი სამოგზაურო აქცენტებით, თუმცა კულტურული და ტოპოლოგიური განსხვავებებით შეფუთოს საკუთარი შეთავაზება.“ - ამბობს ბილბი Wild Frontiers-დან.
ჩვენ ყველანი ვხედავთ ვიზიტორთა მზარდ რაოდენობას საქართველოში და მოველით, რომ 2016-ში ეს რიცხვი კიდევ უფრო გაიზრდება.
როდის ვეწვიოთ: თებერვლიდან ნოემბრამდე. 26 მაისს დამოუკიდებლობის დღეა.
© საქართველოს ღვინის კლუბი, ღვინის საინფორმაციო ცენტრი
ბეჭდვა
თქვენი კომენტარი