გამოქვეყნებულია: 11 სექტემბერი, 2013 - 14:16
ახმეტის რაიონში, ბაბანეურის მთისწინებში მოყვანილი რქაწითლიდან და მწვანედანაა ეს ღვინო დაყენებული, ქვევრში, ტრადიციული კახური მეთოდით. ძალიან კარგი გარეგნობა აქვს, სხივიანი ქარვისფერია. სურნელებში პირველ რიგში მცენარეული და ჭაჭა-კლერტზე დავარგებით წარმოქმნილი არომატებია აღსანიშნავი – ქონდარი, ღვია, ბერგამოტის ჩაი და სხვა მსგავსი სურნელები. საკმაოდ ხანგრძლივი დაბოლოებით გამოირჩევა, ძლიერი ტანინები და ახალი ღვინისთვის დამახასიათებელი სიცხარე აქვს. კარგი მისაყოლებელი იქნება ნიგვზიან ბადრიჯანთან, სუნელებით შეზავებულ ხორციან კერძებთან, ხარჩოსთან.
© ღვინის კლუბი/vinoge.com
თემა:
ბეჭდვა
თქვენი კომენტარი