გამოქვეყნებულია: 7 აპრილი, 2009 - 00:00
"თელიანი ველმა" ახალი ღვინო, "მწვანე" ჩამოასხა, რომელიც ქსელში 28 მარტიდან გავიდა. საქართველოს მასშტაბით წელს 12 ათასი ბოთლის ჩამოსხმა იგეგმება. მაისიდან "მწვანე" უკრაინაში გავა, შემდეგ სხვა ბაზრებსაც მოსინჯავენ. ღვინო საშუალო სეგმენტზეა გათვლილი. მისი გასაყიდი ფასი 7-8 ლარია.
"თელიანი ველი" რამდენიმე დღის წინ დიუსელდორფში გამართულ ProWein-ზეც მონაწილეობდა. წელს კომპანიამ გერმანიაში უკვე მეხუთედ წარადგინა თავისი პროდუქცია, ამჯერად, 2007 წლის მოსავლის 10-მდე წითელი და თეთრი ღვინო. ექსპერტების განსაკუთრებული მოწონება "თელიანი ველის" "ცოლიკაურმა" დაიმსახურა. სპეციალისტება ის შეაფასეს, როგორც სავსე სხეულის, სასიამოვნო არომატისა და განსხვავებული გემოვნური თვისებების მქონე ღვინო.
© მადიანი/vinoge.com
ბეჭდვა
თქვენი კომენტარი