15 დეკემბერს, სამშაბათს, საქართველოს ღვინის კლუბი გიწვევთ ძალზე საინტერესო და საჭირო ლექციაზე. კულტურული მემკვიდრეობის ექსპერტი, მეღვინე ნიკოლოზ ვაჩეიშვილი წაიკითხავს მოხსენებას თემაზე – "ახალი მარანი - ტრადიციის ნაწილი - მარნის აშენებისა და მოწყობის თანმდევი პრობლემები".
მომხსენებელი ისაუბრებს მარნის მშენებლობისათვის ადგილის შერჩევის ტრადიციულ კრიტერიუმებზე, ახალმშენებლობისთვის საჭირო გარემოსა თუ განაშენიანების მიმართების გასათვალისწინებელ ამოცანებზე, გეგმარებისა და მოცულობის, მასალის შერჩევისა და რეგიონალური თავისებურებების საკითხებზე, ტრადიციისა და თანამედროვე მოთხოვნების შერწყმის გამოცდილებაზე, მარნისა და ვენახის მიმართების ამოცანებზე და სხვა საინტერესო თემებზე. მეღვინე გვიამბობს თუ როგორ გადაწყდა ყველა ეს ამოცანა მისი მარნის მშენებლობისას სოფელ დიდ ატენში, ატენის სიონის მახლობლად.
დასწრება, რა თქმა უნდა, თავისუფალია და უაღრესად სასარგებლო თქვენი ჯანმრთელობისთვის, მარნისთვის და მომავლისთვის.
ბეჭდვა
თქვენი კომენტარი