Home
ქართული | English
ოქტომბერი 2018
ორშსამოთხხუთპარშაბკვი
1234567
891011121314
15161718192021
22232425262728
2930311234

მულტიმედია

კომენტარები

მტევნის შემადგენელ ნაწილთა გავლენა კახური ღვინის ხარისხზე

ბიკენტი სირაძის წიგნიდან – მეღვინეობის საკითხები, 1966.

კახური ტიპის სუფრის თეთრი ღვინოების ღირსებაზე არსებით გავლენას ახდენს ყურძნის მტევნის შემადგენელი ნაწილები. ისინი ღვინოს სძენენ ვანილის დამახასიათებელ გემოს, ტიპურ ფერს, ჰარმონიულობას და შინაარსს. კახური ტიპის ღვინის ხარისხზე მტევნის ცალკეული ნაწილების მოქმედების საკითხის გამოსაკვლევად ჩვენ მიერ წარმოებული იყო სათანადო ცდები. კლერტზე დაყენებულ ღვინოს ახასიათებს ღია-ჩაისფერი, სასიამოვნო გემო და მჩატე სხეული. დუღილის პროცესში კლერტიდან ღვინოში გადადის მცირეოდენი ტანინი, უმნიშვნელოდ იზრდება აგრეთვე პოლიფენოლები, ხოლო შესამჩნევად - ტიტრული მჟავიანობა. შემოუსვლელ კლერტზე დაყენებულ ღვინოს არასასიამოვნო, მწვანე სიმჟავის მწკლარტე გემო ემჩნევა. კანი სპეციფიკურ ჯიშურ არომატს სძენს საბოლოო პროდუქტს. კანიდან დუღილის პროცესში ძლიერ მცირე რაოდენობით გადადის მთრიმლავი ნივითიერება და პოლიფენოლები. კახური ღვინის მაღალხარისხოვნება ძირითადად წიპწის შედეგად წარმოიშვება. იგი ღვინოს სძენს ვანილის დამახასიათებელ გემოს, ტიპობრივ ფერს და გემოვნურ შინაარსს. წიპწაზე დაყენებულ ღვინოში ტანიდების რაოდენობა მატულობს, რაც შეეხება ტიტრულ მჟავიანობას, იგი ცოტაოდენ მცირდება.
მაშასადამე, ყურძნის მტევნის შემადგენელი ნაწილები, თვითეული ცალ-ცალკე, ამა თუ იმ ხასიათის დადებით თვისებებს სძენს კახურ ღვინოს. როდესაც მთლიან ჭაჭაზე დაყენებულ ღვინოში მონაწილეობს ყურძნის მტევნის მთელი შემადგენელი ნაწილები, ისინი დუღილის პროცესში და შემდგომ, ღვინის დავარგების სტადიაში, მთლიანობას სძენენ პროდუქტს - ღვინოში იგრძნობა ჰარმონიულობა და ცალკეულ შემადგენელ ნაწილთა დამახასიათებელი ურთიერთშეთანაწყობა.
 
პუბლიკაცია ხორციელდება “ღვინის კლუბის” საგანმანათლებლო პროგრამის ფარგლებში
 
© ღვინის კლუბი/vinoge.com
 

თქვენი კომენტარი

თქვენი ელ-ფოსტა არ გამოქვეყნდება
  • Web page addresses and e-mail addresses turn into links automatically.
  • No HTML tags allowed

More information about formatting options

საქართველოს ღვინის რუკა
თქვენ შეგიძლიათ დაეხმაროთ ჩვენს ბლოგს "PayPal"-ის საშუალებით.