Napa Valley Register-ზე ზოლტან იშტვანი საქართველოს შესახებ წერს: “როცა ღვინის რეგიონებზე ფიქრობთ, ალბათ, პირველ რიგში, ბორდო გაგახსენდებათ, მენდოზას ვენახები ან ნაპას ველის თანამედროვე ღვინის საწარმოლები. მაგრამ სინამდვილეში ღვინო კავკასიიდან, საქართველოს ქვეყნიდან მოდის, სადაც ის პირველდ 8000 წლის წინ დააყენეს. დღეს საქართველოში 1000-ზე მეტი ღვინის კომპანიაა, რომლებიც 55000 ჰექტარზე მეტს ამუშავებენ. ქვეყანაში იწარმოება დაახლოებით 100 მილიონი ბოთლი წელიწადში”. - სტატიას სწორედ ასე იწყებს ავტორი, ზოლტან იშტვანი, რომლის ესეებიც ხშირად ქვეყნდება New York Times-ში, National Geographic-სა და სხვა წამყვან ჟურნალებში.
იშტვანი ცოტა ხნის წინ ტექნოლოგიებზე სასაუბროდ მიიწვიეს LibertyCon Europe 2024-ზე თბილისში, თუმცა, როგორც ის წერს, მისი მოგზაურობის ერთი-ერთი მთავარი მიზანი იყო საქართველოს, როგორც ღვინის ქვეყნის გაცნობა: “ჩამოვედი, როგორც “მომლოცველი” ძალიან მცირე მარნის მეღვინე, რათა მენახა, როგორ გაჩნდა მევენახეობა ამ ქვეყანაზე და შემდეგ როგორ გავრცელდა ღვინო, როგორც ერთ-ერთი ყველაზე მნიშვნელოვანი რამ, რაც კი ადამიანს ოდესმე მოუფიქრებია”. - წერს ავტორი.
სტატიაში ვკითხულობთ საქართველოს ისტორიის შესახებ, იმ ბრძოლებსა და ომებზე, რომლებსაც წლების განმავლობაში უძლებდა საქართველო: “ამ ყველაფრის მიუხედავად საქართველოში ჩემს ოჯახთან ერთად თავი უფრო დაცულად და მშვიდად ვიგრძენი, ვიდრე იქ, სადაც მე ვცხოვრობ”.
პირველად თბილისში სადეგუსტაციოდ ღვინის ბარს ესტუმრა, სადაც თავკვერით განსაკუთრებით აღფრთოვანდა. შემდეგ კახეთში, “შატო მერეში” ჩავიდა: “ქისი, თითქოს ქართული სოვინიონ ბლანია, ძალიან არომატული და გამორჩეული ღვინო.” - აღიშნავს სტატიაში.
schuchmann Wines Chateau-ზეც წერს და მკითხველს ქართული ღვინის ტექნოლოგიის შესახებ უამბობს. ამბობს იმასაც, რომ ქარვისფერ ღვინოს განსაკუთრებული არომატები და დაყენების მეთოდი აქვს: “ძალიან დიდი განსხვავებაა თანამედროვე ღვინის დაყენების ტექნოლოგიასა და ძველ მეთოდს შორის. ქვევრი ქართულ ღვინოს სწორედ იმ გამორჩეულობას სძენს, რასაც სხვაგან ვერ ნახავთ”. სტატიას გაეცნობით Napa Valley Register-ზე.
© ღვინის კლუბი/vinoge.com
ბეჭდვა
თქვენი კომენტარი