ვაშლისა და სტაფილოს სალათა პეკანით

საჭირო მასალა: 700 გ სტაფილო, 2 ცალი ვაშლი, 1,5 ცალი ლიმონი, 3 ს.კ. ზეითუნის ზეთი, 2 ს.კ. თხილი, 3 ს.კ. თხელი თაფლი, 50 გ პეკანი, 200 გ თხის ყველი, 5 ღერი ოხრახუში, მარილი, პილპილი – გემოვნებით.

მომზადება: ვაშლი და სტაფილო ძალიან თხელ ნაჭრებად დავჭრათ ან მსხვილად გავხეხოთ. ლიმონი გავწუროთ, მოვასხათ ვაშლისა და სტაფილოს ნარევს, მოვაყაროთ მარილი და პილპილი. თაფლი შევათბოთ, დავუმატოთ პეკანი და გავაკეთოთ კარამელი. შემდეგ გადმოვიღოთ საცხობ ქაღალდზე და შევაგრილოთ. სალათა თეფშზე ამოვიღოთ, ზედ გადავანაწილოთ თხის ყველი, მოვაყაროთ მსხვილად დაფქული თხილი, წვრილად დაჭრილი ოხრახუში, კარამელიზებული პეკანი და მოვასხათ ზეითუნის ზეთი.

© ღვინის კლუბი /Weekend