ღორის ხორცი შავქლიავათი

საჭირო მასალა: 1 კგ ღორის ხორცი, 200 გ შავქლიავას ჩირი, 1 პატარა თავი ნიორი, 100 გ ნიგოზი, დიჟონის მდოგვი, მაიონეზი, ძირა, მარილი, პილპილი – გემოვნებით.

მომზადება: ღორის ხორცი დავჭრათ თხელ  ნაჭრებად, აქა-იქა ჩავსეროთ და ჩავტენოთ დაჭრილი ნიორი. ხორცს ძირა, პილპილი და ცოტა მარილი მოვაყაროთ, გავითვალისწინოთ, რომ მაიონეზიც უნდა დავუმატოთ. ასე დავტოვოთ 20-30 წუთით. შავქლიავას ჩირი 5 წუთით მდუღარე წყალში მოვათავსოთ. ნიგოზი  მოვხალოთ და დავჭრათ. ხორცის ნაჭრებს წავუსვათ ერთმანეთში არეული მაიონეზი და მდოგვი,  რულეტივით გავახვიოთ ნიგოზი და შავქლიავა, შევკრათ ძაფით და გავახვიოთ ფოლგაში. შევწვათ 200 გრადუსზე გახურებულ ღუმელში 1,5 საათით. დავჭრათ როცა შეგრილდება.

© ღვინის კლუბი/Weekend