გამოქვეყნებულია: 21 თებერვალი, 2009 - 14:54
თუკი აქამდე კაბერნე სოვინიონი მხოლოდ წინანდლის მიკროზონის თელიანის ქვეზონაში მოყვანილი ღვინით იყო განთქმული, დღეიდან ალაზნის მარცხენა ნაპირიც უნდა მივიჩნიოთ ამ ჯიშის ახალ თავშესაფრად. ნაფარეულის ზონაში მოყვანილი ამ ლეგენდარული ფრანგული ჯიშის ყურძენი ტრადიციული კახური წესით დადუღდა და დადგა ქვევრებში. ღვინო მწიფე ალუბლისფერია, ინტენსიური შეფერვით, სასიამოვნო ბუკეტით, სადაც შავი კენკრის, ანწლისა და ქლიავის ჯემის სურნელები ფიგურირებს. საკმაოდ სხეულიანია, სასიამოვნო სიმწკლარტით.
ღვინო კარგი მეწყვილე იქნება შემწვარ მწყერთან, ჯიგრის ყაურმასთან, კუჭმაჭთან.
მალხაზ ხარბედია
© vinoge.com
თემა:
ბეჭდვა
თქვენი კომენტარი