გამოქვეყნებულია: 24 აგვისტო, 2008 - 19:54
დაწურულია სოფელ მაღრაანში, ტყისპირებზე მოყვანილი ქისის ჯიშის ყურძნიდან კახური ტექნოლოგიით. ერთ-ერთი საუკეთესო კახური ტიპის ღვინოა, რომელიც კი გამისინჯია. მუქი ქარვისფერია, ნათელი სხივებით. ძალზე მდიდარი ბუკეტი აქვს, თვალახვეულს შესაძლოა წითელ ღვინოშიც აგერიოს. შავი მოცხარის ფოთლების, თამბაქოსა და ნუშის ტონები აქვს, გემოზე დაუვიწყარია, ძალზე სხეულიანი, ახასიათებს ხავერდოვანი ტანინები, რაც სასიამოვნოს ხდის ღვინის დაგემოვნებას და ახანგრძლივებს დაბოლოებას.
ღვინო კარგია კახურ კერძებთან, ხაშლამასთან, ინდაურის მწვადთან, ხბოს მწვადთან, მოხარშულ ბურვაკთან, ნანადირევ ფრინველთან.
მალხაზ ხარბედია
© „მარანი“
თემა:
ბეჭდვა
თქვენი კომენტარი