17.20 ლარი
კახური ტიპის, ქვევრში დაყენებული ღვინო სამწუხაროდ ჯერ კიდევ იშვიათობაა ქართული ღვინის ბაზარზე, თუმცა უკანასკნელი მონაცემებით, ასეთი ღვინოების რაოდენობა წლის ბოლოსთვის შესაძლოა გაორმაგდეს კიდეც. ვინოტერამ რამდენიმეწლიანი პაუზის შემდეგ ისევ ჩამოასხა ქვევრში, კახურად დაყენებული მწვანე და სულ რაღაც 2 კვირის წინ ღვინო მაღაზიებშიც გამოჩნდა. ყურძენი ნაფარეულის ზონაშია დაკრეფილი, ქვევრში დუღილისა და დავარგების შემდეგ 6 თვე მუხის კასრებშიც გაატარა ღვინომ, რის შედეგადაც ძალზე მკვეთრი და დასამახსოვრებელი გემოს ღვინო დადგა. ღია ქარვისფერია, მკრთალი სხივით. სურნელებში ყველაფერს ფეიხოას პიკანტური, დახვეწილი არომატი განსაზღვრავს, დაბოლოებაში კი ხაზგასმით მოჩანს შავი პილპილის და სხვა სანელებლების ტონები. ღვინო საუკეთესო მისაყოლებელი იქნება სოკოსთან, მოხარშულ ხორცთან, სუნელებში შემწვარ თევზთან, ღორის ჩალაღაჯთან.
© ღვინის კლუბი/Weekend
ბეჭდვა
თქვენი კომენტარი