გამოქვეყნებულია: 18 ივლისი, 2009 - 01:53
იმერული ჯიშებიდან დაწურული ღვინოები ქართულ ბაზარზე სამწუხაროდ ძალიან იშვიათია, თუმცა არსებობს თითზე ჩამოსათვლელი გამონაკლისები და ეს ღვინო ამ გამონაკლისთა რიცხვს მიეკუთვნება. დასავლეთ საქართველოში მოწეული ცოლიკაურიდან დაწურული ეს ღია ჩალისფერი ღვინო ძალიან გაწონასწორებული და დახვეწილი პირველი სურნელებით გამოირჩევა. ახასიათებს ხილის ყვავილებისა და ლიმნის ტონები. გემოზე მაღალმჟავიანია, საინტერესო დაბოლოებით. ღვინო კარგი მისაყოლებელი იქნება იმერულ კერძებთან, ბაჟეში ჩაწყობილ ქათამთან, შემწვარ თევზთან.
მ.ხ.
© vinoge.com
თემა:
ბეჭდვა
თქვენი კომენტარი