გამოქვეყნებულია: 25 თებერვალი, 2009 - 02:14
ღვინო დაწურულია იტალიაში, ფრიულის მხარეში მოყვანილი ვიტოვსკას ჯიშის ყურძნიდან ძმების, პოლ და ვალტერ ვოდოპივეცების მიერ. ვენახი სულ რაღაც 4 ჰექტარზეა გაშენებული ქვიან, მინერალებით მდიდარ ნიადაგზე. ერთი ძირიდან მხოლოდ 1 კილო ყურძენი იკრიფება. ღვინო ქვევრშია დადუღებული (ქვევრები საქართველოდან, შროშიდანაა წაღებული), ყურძენს დაჭყლეტვის გარეშე ყრიან ქვევრში და 7 თვის განმავლობაში ტოვებენ, ამის შემდეგ კი მუხის ძველ ბუტებში აძველებენ 3 წელი და ერთჯერადი ფილტრაციის შემდეგ ბოთლებში ასხამენ. ღვინის ფასი ინტერნეტ-მაღაზიებში 80-დან 100 დოლარამდე მერყეობს. ღვინო ღია უნაბისფერია, სასიამოვნო გამჭვირვალობით, დომინირებს ქაცვის სურნელი, გემოზე მომრგვალებულია.ეს ღვინო კარგია აჯაფსანდალთან, შემწვარ ქათამთან, სოკოსთან, მოხარშულ გოგრასთან.
მ.ხ.
© vinoge.com
თემა:
ბეჭდვა
თქვენი კომენტარი