კარგი, ელვარე ოქროსფერი ღვინოა, ჭაჭაზე და კლერტზე 6 თვის მანძილზე ქვევრში დაყენებული. თავიდან ცოტათი ჩაკეტილი სურნელი აქვს, თუმცა მოგვიანებით უცბათ იხსნება მძაფრი მცენარეული ნოტები - სალბი (შალფეი), ღვია, და წიწვოვანი ტონები. ახალი, ცოცხალი ღვინოა, რომელიც დროთა განმავლობაში იმედია კიდევ უფრო დაიხვეწება. ხასიათიანი ღვინოა, ხანგრძლივი დაბოლოებით. კარგი მისაყოლებელი იქნება შემწვარ ქათამთან და ნაკვერჩხალზე მომზადებულ თევზთან.
2013 წლის დეკემბრის დახასიათება
მუხრანის ველზე, სოფელ ჩარდახში მოყვანილი ჩინურიდანაა ღვინო დაყენებული, ტრადიციული წესით, ქვევრში, ჭაჭაზე და კლერტზე 6-იანი დავარგებით. ქარვისფერი ღვინოა ოქროსფერი სხივებით. სურნელში მკვეთრი მცენარეული ტონები ჩანს, უკვე კარგად ნაცნობი ამ ღვინის მოყვარულებისთვის, სადაც წამყვანი სალბის, ველური პიტნისა და სხვა სურნელოვანი ბალახების არომატებია. ძალზე ძლიერი, ხასიათიანი ღვინოა (14%), რბილი, გაწონასწორებული ტანინებით. დაბოლოებაში ტეკილას ტონებსაც კი იგრძნობთ.
© ღვინის კლუბი/Weekend
ბეჭდვა
თქვენი კომენტარი