"ღვინის დეგუსტაცია, უბის წიგნაკი მოყვარულთათვის" ახალი გამომომცემლობა „ვაზის“ პირველი წიგნია, რომლის ავტორიც ანა ჭეიშვილია. „უბის წიგნაკი“ სპეციალურად ღვინის მოყვარულთათვის შეიქმნა: პირველ გვერდებზე ახსნილია ღვინის დეგუსტაციის ზოგადი პრინციპები, ჩამოთვლილია ღვინის შეფასების კრიტერიუმები და არომატები; მომდევნო გვერდები შესავსებია, რაც უბის წიგნაკის მფლობელს ღვინის დაჭაშნიკებისას მიღებული შთაბეჭდილებების ჩაწერის საშუალებას აძლევს. წიგნაკში ასევე მოყვანილია XVII-XIX საუკუნის ევროპელ მოგზაურთა ციტატები ქართული ღვინის, სუფრისა და სტუმარ-მასპინძლობის შესახებ. საყოველთაოდ ცნობილი შარდენისა და გამბას გვერდით აქ გვხვდება ისეთი ნაკლებად ცნობილი ავტორებიც, როგორებიც არიან კარლა სერენა, ჟან პიერ მუანე, დიუბუა და მონპერე და სხვ.
© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი
ბეჭდვა
თქვენი კომენტარი