Home
ქართული | English
დეკემბერი 2018
ორშსამოთხხუთპარშაბკვი
262728293012
3456789
10111213141516
17181920212223
24252627282930
31123456

მულტიმედია

კომენტარები

პასტორალი – კიდევ ერთი, ოღონდ ელარჯით

გიგო მესხიშვილი

დიზაინის თვალსაზრისით, ქართული რესტორნების კულტურა ორი ძირითადი მიმართულებით წავიდა ბოლო წლებში. ერთი მხრივ, ეს არის ქვით, ცემენტითა და გაპრიალებული ხით მოპირკეთებული ფუნდუკები, მოკირწლული ბილიკებითა და გაზონებით (ძველი სახლი, ფაეტონი და მრავალი სხვა...), მეორე კი ე.წ. თბილისური ნაზავია, სადაც ჭრელი გადასაფარებლები გხვდებათ, სხვადასხვანაირი სკამები, მასიური ბუფეტები, მძიმე მაგიდები, წითელი აგური, აბაჟურები და ძველი, ჭრიალა იატაკი. ასეთების ერთ–ერთი პიონერი გაბრიაძის რესტორანი იყო ანჩისხატთან, შემდეგ პურპური, შავი ლომი და სხვ. ასეთი რესტორნების რიცხვი მატულობს, თუმცა ვერ ვითარდებიან. "პასტორალზეც" იგივე შეიძლება ითქვას, რიცხვს შეემატა, ახალი კი ვერაფერი შემოგვთავაზა.

ბოლო დროს ცოტა მოსაწყენიც კი გახდა ამ ყაიდის დაწესებულებები და ამას ვერც სარეცხის თოკზე გაკიდული ჩითის კაბები, პერანგები და ლიფები შველის, რომელიც რესტორან "პასტორალის" შიდა ეზოს მხარეს, შუშაბანდის წინ იწონებდა თავს, როგორც დიზაინის ნაწილი. მენიუ კოხტა ესკიზებითაა მორთული, შესაძლოა ოთარ იოსელიანის ან ვახტანგ რურუას, ანდა სულაც რესტორნის დიზაინის ავტორის, გუგა კოტეტიშვილის ჩანახატებია.

რესტორნის სამზარეულო მეგრულია და "პასტორალიც" ალბათ სწორედ ამიტომ ჰქვია, ოთარ იოსელიანის ცნობილი ფილმის გამო, სადაც დინამიტის აფეთქებით მოპოვებულ თევზს თუ არ ჩავთვლით, ნამდვილი მეგრული პურმარილიც იშლება ერთიორჯერ.

ამ რესტორანშიც ცდილობენ ნამდვილ სამეგრელოს მიუახლოვონ გემოები. ცდილობენ ზოგ მომხმარებელს მოგონებები აუშალონ, სხვებს კი პირველი შთაბეჭდილება  შეუქმნან. ხანდახან წარმატებით გამოსდით, ზოგჯერ კი მარცხდებიან. მაგ. ტრადიციული მეგრული ხულ–სალათი (5.00 ლარი), კეჟერა ფხლის მეგრული ვარიანტი, აჯიკით და ნიგვზით შეზავებული, კარგი იყო, ხოლო ბოსტნეულის სალათი (6.90 ლარი) დიდი ხნის მომზადებულს გავდა, უშნოდ დაფლეთილი კიტრი და პომიდორი, წითელი კომბოსტო, ბულგარული (ამაზე აღარაფერს დავწერ, შეიძლება მოგაბეზრეთ უკვე თავი) და სალათის ფურცლები, ზეთი... მოკლედ, სალათა არაფრად ვარგოდა, სხვას რომ თავი დავანებოთ, სიქორფის ნატამალი არ ჰქონდა. არც ახალი ტყემალი მომეწონა (2.50 ლარი), რომელიც წესით გაცილებით უფრო ცოცხალი უნდა ყოფილიყო. ვინ იცის, შეიძლება გადაკმაზული ტყემალიც იყო. გებჟალიას (5.90 ლარი) უფრო ფაფუკს და რბილს ველოდი. როცა გებჟალია იჭრება, წვენი უნდა გასდიოდეს, სავსე უნდა იყოს, ეს სულგუნი კი მშრალი იყო. მხოლოდ წვენის გადასხმით არაფერი გამოვა.

ძალიან გამიკვირდა, როდესაც სუფ–ხარჩოღორისა მოვიდა (7.40 ლარი), ძალიან ცხიმიანი. ვისაც მსუყე შეკმაზული წვნიანები უყვარს, იმას მოეწონება ეს კერძი. ელარჯიც ნორმალური იყო (4.90 ლარი), თუმცა ჩემმა მეგობარმა თქვა, შეიძლებოდა უფრო მეტი ყველით ყოფილიყოო. ამის მიუხედავად "პასტორალის" ელარჯის მირთმევას მაინც გემრიელად შევუდექი, სანამ გრძელი თმა არ გამოვაძვრინე... ძალიან დამწყდა გული, კინაღამ ყველაფერი ჩაგვეშალა, მაგრამ მოვთოკეთ თავი. ხარჩო (7.90 ლარი) ხბოს ხორცით, ძალიან კარგი იყო, კლასიკური, ნამდვილი. ამაზე თამამად იტყვი, რომ ეტალონური ხარჩოა, გაასინჯებ და აუხსნი სტუმარს, რომ აი შვილო, ესაა ხარჩო. ტაბაკა (16.90) დიდ ვაზის ფოთოლზე იყო დასვენებული, რომ შეხედავდი, მართლა სოფლის წიწილს გავდა, აჯიკით იყო შეთხვრილი და საკმაოდ მწარეც იყო. ხბოს მწვადს  (13.90 ლარი) მარილი აკლდა, მაგრამ მაინც ძალიან გემრიელი იყო, მოინდომეს როგორც ჩანს, ან უბრალოდ, ესმით საკითხი. აფხაზურაზე (6.90 ლარი) კარგს ვერაფერს ვიტყვი, ჩემმა მეგობრებმა საერთოდაც, ქაბაბს შეადარეს. ქაბაბი ბადექონში, შეკმაზულიო და მეც დავეთანხმე. აფხაზურა უფრო ძლიერი გემოების უნდა იყოს, და არა ასეთი მშრალი. მოკლედ, მეგრულ რესტორანში მომზადებული აფხაზურა ნიკორას აფხაზურას არ უნდა გაგონებდეს. ადგილობრივი დესერტი არ აღმოაჩნდათ, თავისი ტკბილეული არაფერი ჰქონდათ, თოლიას ნაყინის აღება კი აზრადაც არ მომივა ამ ტიპის რესტორნებში.

ახლა ღვინო. აქვთ საძაგელი ჩამოსასხმელი ღვინო, თეთრიც და წითელიც. თეთრი ძალიან ცივი მოგვიტანეს, მაგრამ მაინც კარგაც ჩანდა, რომ ღვინო არაფრად ვარგოდა და ცივად ვთქვით უარი, წითელი კი ზედმეტად თბილი იყო, თან ჯიუტად გვიმტკიცებდნენ, რომ ოჯახის ღვინოაო, არადა აშკარად საწარმოში ჩარჩენილი გადაძველებული მარაგებიდან იყო. ხოხბის ცრემლების რქაწითელი ავიღეთ (29.90 ლარი), რომელსაც სამწუხაროდ საცობის ტონი აღმოაჩნდა და ძალიან გაგვიფუჭა ხასიათი, რადგან სხვა არჩევანი მაინცდამაინც არ გვქონდა. შემდეგ ორნაირი საფერავი მოვწრუპეთ, ხოხბის ცრემლების (ჭიქა 9.90 ლარი) და ვინოტერას საფერავი (6.90 ლარი). პირველი უფრო სხეულიანი და სავსე მომეჩვენა, თუმცა დაჟანგული იყო. ვინოტერას ღვინო კი ცოტათი უხეში.

ყველაზე კარგი "პასტორალში" ალბათ ჭაჭის არჩევანი აქვთ. სხვა დანარჩენს იმედია დროთა განმავლობაში დახვეწავენ.

პასტორალი  –რესტორანი

ერეკლე მეორის  ქ. 7

უბანი: ძველი თბილისი

ტელ: (მობ) 592 311919

სამზარეულო: მეგრული

საათები: 12:00 – 02:00 (ბოლო სტუმრის გაცილებამდე)

ბარათები: მიიღება

ფასი: 80–120 ლარი (სადილი ორ კაცზე, ღვინის და სერვისის ჩათვლით)

პარკინგი: პარალელურ ქუჩებზე

ელ-ფოსტა: არ აქვთ

საიტი: არ აქვთ

© tabula



dzalian sasaciloa ... ase mgonia rom tqven ert dgeshi bevr restoranshi brdzandebodit da yvelaperi ertmanetshi ageriat ... am restoranshi ramdengerme vyopilvar da tqvensavit gamzarebuli namdvilad ar gamovsulvar :)


სულაც არ არის სასაცილო - მშვენიერი კრიტიკაა. ეტყობა, რომ ავტორს ესმის, რაზეც წერს. მე მაგ რესტორანში არ ვყოფილვარ, მაგრამ სხვაგან სადაც გამისინჯავს, დაახლოებით ამგვარივე სურათი დამხვედრია. მისასალმებელია, რომ ვიღაც დაინტერესდა ამ თემით და საზოგადოებას გულწრფელად უზიარებს თავის აზრს. მართალია, გამომშრალი გებჟალია ვის რად უნდა, ან დაფერმენტებული სალათი! ნუ, აფხაზურა სადაც არ უნდა ჭამო, ყველგან ასეთი გამოჩიჩინებულია. კარგი აფხაზურას გაკეთება ძნელია და თავს არ იკლავენ. ასევე მომეწონა ღვინის შეფასება - ასეა, ღვინო უნდა შეაფასოს მცოდნემ! ვიღაცამ ხომ უნდა დააკვალიანოს მომხმარებელი, აბა, ეგ ღვინის ცნობა და ცოდნა აკვნიდან არავის მოჰყვება. საინტერესო სტატიაა და ძალიან მომწონს ამგვარი ტენდენციის დამკვიდრება! და თუ ეს ყველაფერი მიუკერძოებელიც იქნება, ხომ მთლად ავშენდებით!:) დიდი მადლობა!


kidev upro sasaciloa .... kritikosebebs apaseben roca ician razec midis saubari da tqven arc ki yopilxart am restoranshi da etanxmebit ... pasebic dabalia mag adgilistvis da ashkarad ar jdeba 80-100 laramde ... eset statias ar qvia kritika, es upro shekvetil shurian statias gavs ... da yoveltvis savse ar iqneboda martla tmebi da gamshrali ragaceebi rom iyos :))) es paktia da is ki propaganda :)))


მოკლედ, ეს ბუდა გადაფიჩინდა სიცილით :)) არადა სასაცილო არაფერია მანდ, უფრო სამუშაოა, ვიდრე სასაცილო. ეგრე სიცილ–ხარხარის და ქედმაღლობის გამოა რო არაფერი იცვლება ქართულ კვებაში :) სალათზე მეც იგივე შემიძლია ვთქვა. ნამყოფი ვარ მანდ. მეგრულ რესტორანში ასეთი დონდღლო, ჩაშლილი სალათა არ უნდა მოგიტანონ. თმაზეც საკმაოდ თავშეკავებით უწერია, როგორც შევატყე. ვინმე სხვა უფრო მწარედაც დაწერდა. აფხაზურა მართლა არსად არ ვარგა. ძალიან დანდობით წერს ასევე სუფხარჩოზე. არაა ეგ სუფხარჩო, ნაგავია, ეტყობა არ გაუსინჯია ავტორს ნამდვილი სუფხარჩო. სხვ. შორის, ამ ავტორის ყველა სტატია წავიკითხე რაც ტაბულაში გამოქვეყნდა, ბევრ რაღაცეებში არ ვეთანხმები, მაგრამ შეკვეთილი სტატიების ავტორს ნამდვილად არ გავს. სულელური ბრალდებაა.


გიგოვ, ყველაზე კარგი ჭაჭის არჩევანი აქვთო, რომ სწერამ, ნეტავ თუ მართალია ეგა? მე ჭაჭის დიდი არჩევანი არც ერთ რესტორანსა და ზავედენიაში არ მინახამს, ყველგანა მარტო 35–40–ლარიანი თელიანი ველის ჭაჭა აქვთ (ნეტავ ამ ფასად ვინმე თუ ყიდულობს?!) და ზოგჯერ "თელავის მარნისასაც" გამოურევენ ხოლმე. არის შემთხვევები, როცა არჩევანს ემატება რესტორნის სასტავის მიერ გამოხდილი ან მათი ბიძაშვილ–მამიდაშვილების ზაოტის ჩამოსასხმელი ჭაჭა, რომელიც ზოგჯერ კარგია (მაგალითად, "ზახარ ზახარიჩის" ჩამოსასხმელი ჭაჭა მომეწონა), ზოგჯერ კი – რახის ზეთებით ამყრალებული. ხოდა, ძალიან დამაინტრიგა ამ ამბავმა. თუკი ჭაჭის არჩევანი კარგი აქვთ, ღვინოებზედა რა ღმერთი გაუწყრათ, ჰა?! :) ხოდა, ეგრე გააგრძელე, მიშლენი ხარ ჩემ თვალში!!!


:)))) xo zustad qedmagloba... gadaijerit venebi magram paqti paqtia da weret exla ramdenic gindat tqveni vitom profesionaluri kritikuli azrebi ...


ვენებს თქვენ იჭრით, მე კი სულ მკიდია თქვენი რესტორანიც და მისი კრიტიკაც :)


me tqven pirvelive komentaridan erti da igive adamiani megonet


ბუდა, რა კავშირში ხართ აღნიშნულ რესტორანთან? მე პირადად ამ რესტორანში ნამყფი ვარ და აღნიშნული კერძების მეტი ნაწილი მირთმეულიც მაქვს. პირდაპირ გეტყვით, ჩამოსასხმელი ღვინო კაპიკად არ უვარგათ!!! აღნიშნული საკითხის მოგვარება მარტივათაა შესაძლებელი, უნდა გაითვალისწინონ მომხმარებლის პრეტენზია: Клиент всегда прав!


ამდენ თეორიას, წადით ერთად და გადაამოწმეთ. კრიტიკის არსებობაც გამართლებული იქნება და რესტორნისაც


კი,მაგრამ მარტო ცუდი ხომ არ დაუწერია სტატიის ავტორს,რაც მოეწონა და საკვებად ვარგისად ჩათვალა გარკვევით თქვა... ასეთ მისტიურ კლიენტებს სპეციალურად ქირაობენ და თანხას უხდიან.აბა ის იყო კარგი?!- ერთ-ერთ თაღლაურაში, მშიერ-მწყურვალნი - ხინკლის მოლოდინში ასეთივე მშიერ-მწყურვალი ტარაკანა ,რომ ამოხოხდა მაგიდაზე?!!(რა თქმა უნდა დავტოვეთ იქაურობა შედარებით-"ჩუმად")! ძალიან კარგადაც წერs!წარმატებებს გისურვებთ!


ცილისწამებას უფრო გავს ვიდრე კრიტიკას. საინტერესოა ვინაა შემკვეთი და გადამხდელი. მე პირადად საკმაოდ გემრიელად ვისადილე არაერთხელ და კარგი ქართული ღვინოც დავაგემოვნე ახლობლებთან ერთად


ხულ-სალათი, კეჟერა ფხალი, ბოსტნეულის სალათი, გებჟალია, ელარჯი, სუფ-ხარჩო, ხარჩო ხბოს ხორცით, ტაბაკა, ხბოს მწვადი, აფხაზურა; ჩამოსასხმელი ღვინო წითელი და თეთრი, ხბოს ცრემლების რქაწითელი, საფერავი ორნაირი, ვინოტერას ღვინო, ჭაჭა - გიგო ეს კველაფერი ერთად მიირთვი??? დაბადების დღეს აღნიშნავდი? "პასტორალში" ან საერთოდ არ ხარ ნამყოფი, ან ხშირი კლიენტი ხარ და თუ ხშირად დადიხარ ე.ი. ძალიან უნდა მოგწონდეს :))) შენი სტატია ალოგიკურია :)))


პასტორალის თანამშრომლებო, აქ პოსტვას გირჩევნიათ საქმეს მიხედოთ :) თუ კლიენტი შემოგაკლდათ და მოიცალეთ? :)


"პასტორალს" ხშირად ვსტუმრობ, შეიძლება ითქვას მუდმივი კლიენტი ვარ და პერსონალის მომსახურებითაც კმაყოფილი ვარ, ვერ ვიტყვი, რომ უსაქმოდ არიან :))) ასე, რომ თქვენი კომენტარებით ჩემზე გავლენას ვერ მოახდენთ როგორც არ უნდა ეცადოთ :))) P.S პა-კა


memgoni es kritika ar aris da arc kargi statia upro bogma usakmuri adamianis dacerils gavs. gigo momavalshi gaitvaliscine ,rom jurnalists piradi interesebi ar unda amodzravebdes ;)


ისეთი თავგამოდებით იცავთ ამ რესტორანს, თან ისეთი ერთნაირად უნიჭო ტექსტებია, რომ ასემგონია ერთი უნიჭო ადამიანი პოსტავს ამ ყველაფერს :) ნუ შეგვჭამეთ ამ ზაბეგალოვკით.


moicadet ra... es pastorali iqneba tu sxva rame magaze ukve agar maqvs laparaki, ise ver vitben da mainc vityvi, tqven axsenet rom dzalian dzviri jdeba mand jama...exla ki zabegalovkas uzodebt... mashin ragas skdebodit jama smit mand da ras izuxebdit tavs am statiis zerashi ha ? da kide ragac statias zert " kritikas " da aqveynebt , tu xalxs upleba ar aaqvs gamoxatos tavizi azri romc ar getanxmebodet da egreve uzodebt mat " tanamshromlebi " an " erti da igive adamiani " da gamodis rom erti da igive ukacravad da tqven brdzandebit, mashin romeli erti jurnalisti tu kritikosi tqven xart ? zeret tqventvis da iqnebit zynarad, aravin ar mogishlit nervebs da aseve arc tqven moushlit nervebs sxvebs uazrobebit da sheurazyopas mkitxvelebs da klientebs ar mogvayenebt .MADLOBT


ამ წინა კომენტარს წავშლი, თუ დღის ბოლომდე ქართულად არ დადებს მისი ავტორი!! სიმართლე გითხრათ, ამოხვედით უკვე ყელში გიგო მესხიშვილის მომხრეებიც და მისი მოწინააღმდეგეებიც. წერეთ ქართულად.  



აქ საცაა ლამის ფიშტოც გავარდეს... არადა იქ ცალკე პასტორალია კმაყოფილი-ამ სტატიის გამო აუარება ცნობისმოყვარე კლიენტი მიაწყდა სიმართლისა თუ ტყუილის გასარკვევდ. მეორე მხარეს კი რესტორანთაღმწერელი-რედაქციები სტატიებს უკვეთავენ-იმის შიშით უკვე ჩვენც ხომ არ გამოგვჭიმეს, ტფილისის რესტორნები დასტადასტა ასაღებენ ჟურნალგაზეთებსო... ერთმა ღვინის მწერალმა ოდესღაც მშვიდობის ხელადა ახსენა-მგონი ის გვჭირდება ამდენ სხვადასხვა აზრებით თავმოყრილ ადამიანს. ნუ დავამსგავსებთ აქაურობას ბრძოლას წესების გარეშე-ბრძოლა კი ბატონო იყოს, მაგრამ წესების გარეშე არა.


რესტორნის "მცველებთან" მაქ ერთი შეკითხვა თქვენი აზრით რომელმა პასტორალის კონკურენტმა შეუკვეთა ეს სტატია? რადგანაც პასტორალი მეგრულ რესტონრად მოიაზრება ქალაქში სულ ორი რესტორანი შეიძლება ჩაითვალოს თქვენ კონკურენტად, მაგრამ დარწმუნებული ვარ არც ერთს თქვენი არსებობის შესახებ არ გაუგია. თუმცა არც თქვენ კონკურენტად მიმაჩნია ისინი და მითუმეტეს თქვენ იმ რესტორნების კონკურენტად. იქნებ ეს სტატია თავად პასტორალის შეკვეთილია? თუ დაფიქრებულხართ ამაზე? ასეთ პოპულარულ ბლოგზე სადაც უამრავი პოტენციური კლიენტი შემოდის და ხედავს ამხელა ამბავია ატეხილი მემგონი საკმაოდ კაი რეკლამაა. თუ ეს ესე არ არის და აქ პასტორალის რომელიმე მეპატრონე ან თუნდაც თანამშრომელი ესე თავგამოდებით იცავს რესტორანს მაშინ ყველაფერი გასაგებია და ჩანს სერიოზული პრობლემები. სტატიის მიზანი კი ერთია – გაუმჯობესება. ვფიქრობ ამ სტატიის მერე რაღაცრაღაცეები გაუმჯობესებულიც იქნება. ერთს დავამატებ მე პირადად ამ რესტორანში ნამყოფი ვარ და ავღნიშნავ ჩემთვის ყველაზე მნიშვნელოვანს ჩამოსასხმელი ღვინო არაფრად არ ვარგოდა!


მოიცადეთ რა... ეს პასტორალი იქნება თუ სხვა რამე მაგაზე უკვე აგარ მაქვს ლაპარაკი... მაინც ვიტყვი რომ თქვენ ახსენეთ რომ ძალიან ძვირი ჯდება მანდ ჭამა... ეხლა კი ზაბეგალოვკას უწოდებთ... მაშინ რაგას სკდებოდით ჭამა სმით მანდ და რას იწუხებდით თავს ამ სტატიის წერაში ჰა ? და კიდე რაგაც სტატიას წერთ "კრიტიკას" და ქავეყნებთ, თუ ხალხს უფლება არ ააქვს გამოხატოს ტავიში აზრი რომც არ გეთანხმებოდეთ და ეგრევე უწოდებთ მათ " თანამშრომლებს" ან "ერთი და იგივე ადამიანს" და გამოდის რომ ერთი და იგივე უკაცრავად და თქვენ ბრძანდებით, მაშინ რომელი ერთი ჟურნალისტი თუ კრიტიკოსი თქვენ ხართ ? წერეთ თავენთვის და იქნებით წყნარად, არავინ არ მოგიშლით ნერვებს და ასევე არც თქვენ მოუშლით ნერვებს სხვებს უაზრობებით და შეურაზყოფას მკითხველებს და კლიენტებს არ მოგვაყენებთ. მადლობთ


ნამდვილად არ ველოდი ასეთ გამოხმაურებებს ამ ერთ ჩვეულებრივ რევიუზე. მეგონა უფრო საქმიანად აღიქვამდნენ რესტორნის მესვეურები ჩემს სიტყვებს. მადლობა ყველას, მათ შორის უზრდელ ოპონენტებსაც, "რას სკდებოდით ჭამით" და სხვა ამდაგვარ გამოთქმები გულში ჩამწვდომი პოეტურობით იყო აღბეჭდილი :) ბოდიშს ვუხდი ყველას, ვინც ჩემს გამო გაილანძღა როგორც გიგო მესხიშვილი. მადლობა საიტის ადმინისტრაციას ჩემი ტექსტების გადმობეჭდვისთვის. ცოტა ხნის წინ ვფიქრობდი, ღირს კი ასეთი უმადური საქმის კეთება ამ ქვეყანაში? ახლა უკვე დარწმუნებული ვარ, რომ ნამდვილად ღირს.


ისევე როგორც ყველაფერში საქართველოში ნებისმიერი სახის შენიშვნა კრიტიკა ან უბრალოდ სხვა აზრის გამოთქმა აღიქმება როგორც არაკორექტული, მტრული ან სულაც რაღაც სხვა ინტერესებით ნაკარნახევი და რატომღაც არავინ არ კითხულობს და არ უშვებს იმას, რომ ეს შესაძლოა ამ დარგის განვითარებისათვის იყოს საჭირო. ღვინის დეგუსტაციებიც და კონკურსებიც ეწყობა ამ დეგუსტაციებში ვიღაცა იმარჯვებს ვიღაცა არა. ამ დროს რა ხდება? ვინც ვერ გაიმარჯვა ის იძახის რომ ნაღადად ჩაწყობილი იყო:) რატომ არ შეიძლებოდა, რომ სტატიის ავტორს არ მოწონებოდა ის ღვინო რაც მიუტანეს, რატომ ამ კონკრეტულ შენიშვნებზე არა რის საუბარი და რატომ არის ზოგად აბსტრაქტულ ბრალდებებზე საუბარი? და ხარჩო რომ მოეწონა და კლასიკა უწოდა მაშინ არ იყო შეკვეთილი სტატია? :) არაფერი ამაში საწყენი არ არის და მე როგორც მომხმარებელს უფრო წავიდოდი ასეთ რესტორანში რომელიც ადექვატურად უდგება როგორც შენიშვნას ან სულაც შენიშვნას რომ თავი დავანებოთ უბრალოდ განსხვავებულ აზრს.


სტატიაში წერია რეალური ფასები რაც ავტორმა გადაიხადა ამა თუ იმ კერძში და ზოგისთვის ეგ ძვირი იქნება ზოგისთვისაც არა. ვერ ვხვდები რა შუაშია ეს უაზრო და შეურაწმყოფელი კომენტარი ჭამა სმასთან დაკავშირებით. იაგოს დავეთანხმები და რატომ გონია ჩვენ ქვეყანაში ყველას რომ უნაკლოა?? ამდენ თავგამოდებით უაზრო დაცვას არ ჯობდა უბრალოდ გეთქვეთ ახალი გახსნილები ვართ უკაცრავად თუ ვინმეს რამე დისკომფორტი შეექმნა აუცილებლად გავითვალისწინებთ შენიშვნებს და ვიმუშავებთ ყველაფრის დახვეწაზე. მორჩა ამით დამთავრდებოდა ყველაფერი. მაგრამ არა! როგორ შეიძლება ჩვენ რესტორანში თმა გეპოვნათ ეს შეუძლებელია. თქვენ მოსყიდულები ხართ და ათასი სისულელე...


მე გამოვთქვი ეგ აზრი რომ არ ვეთანხმები ამ კრიტიკას და აი ეგ არ მესმის რატომ აკავშირებთ უთანხმობას ეგრევე რესტორნის ხალხთან, ხშირი კლიენტი რომ იყოს და სხვა აზრის იყოს არ შეიძლება ? და მერე აქეთ გიკვირთ რო წერენ მოსყიდული, შეკვეთილიო ... თქვენც იგივეს ამბობთ უთანხმობაზე და ამ სტატიის არ მოწონებაზე, ეგრევე მიგაჩნიათ რომ თვითონ რესტორანი წერს და აბა რა ლოგიკაა ...


ხშირ კლიენტს უბრალოდ შეეძლო თავისი აზრის გამოხატვა რა თქმა უნდა,მაგრამ ეგ არ არის აზრის გამოხატვა როცა წერთ არიქა და შემოგზავნილები ხართ და ტყუილს წერთ და ასე შემდეგ. ეს საკუთარი აზრის გამოხატვა არაა ეს აშკარა დაცვაა. აი ავტორი კი აშკარად როგორც რიგითი კლიენტი შემოვიდა ისადილა და შემდეგ დაწერა თავისი აზრი.


რიგითი კლიენტი 80-100 ლარს არ დახარჯავდა :)


2 კაციან სადილზე აბა რამდენი უნდა დახარჯოს? მაინცდამაინც 40 ლარში უნდა ჩაეკვეხოს და მშიერი გამოვიდეს რესტორნიდან?


გიგო, რაღაც არ გავხარ შენ მთლად გიგოს, მე მგონი, ერთობ უშნო და გაავებული რამე მდედრი უფრო უნდა ბრძანდებოდე, თორემ რად დაიმალებოდის გიგოი?!


გიგო ქალი ხარ???? თან გაავებული? :)))))))))))))))))))))


ვსიო???


მე და ჩემმა მეუღლემ გადავწყვიტეთ ქორწინების 2 წლისთავის აღნიშნვა რესტორან "პასტორალში". თავიდან ძალიან შთამბეჭდავი იყო ეს ყველაფერი - ძველებური (ცოტა უკვე მობეზრებული რეტრო) დიზაინი, საგანგებოდ ჩამოძენძილი აბაჟურებით და საკერებლებიანი გადასაფარებლებით, მომხიბლველი იყო ფასებიც, კალაუბნის რესტორნების პირობაზე:) სხვა რაღაცეებთან ერთად შევუკვეთეთ ხინკალი (რად გვინდოდა ასეთ რესტორანში ხინკალი, არ ვიცი), რომელიც მოტანის მომენტში უკვე გახსნილი იყო (ყველა!), ცომი დაფლეთილი... არც ერთი საშუალო დონის დიასახლისის გაკეთებული ხინკალი არ მინახავს ასეთი... მომსახურე პერსონალი ნამდვილად არ გამოირჩეოდა განსაკუთრებული ყურადღებით, ძალიან უნდა გეცადა, რომ რომელიმე მათგანის ყურადღებით გესარგებლა. მართალია, არც ჩვენ გამოვსულვართ გაბრაზებულები იმიტომ, რომ ჩვენს დღესასწაულს ვერ დაჩრდილავდა პასტორალის პირდაბჩენილი ხინკლები, მაგრამ მივხვდით, დღესასწაულები ისეთ ადგილებში უნდა დაგეგმო, სადაც წინასწარ იცი, რომ მომსახურება კიდევ უფრო მეტ ხალისს შესძენს შენს სადღესასწაულო განწყობას...

თქვენი კომენტარი

თქვენი ელ-ფოსტა არ გამოქვეყნდება
  • Web page addresses and e-mail addresses turn into links automatically.
  • No HTML tags allowed

More information about formatting options

საქართველოს ღვინის რუკა
თქვენ შეგიძლიათ დაეხმაროთ ჩვენს ბლოგს "PayPal"-ის საშუალებით.