ქათმის ღვიძლის იაკიტორი

საჭირო მასალა: 500 გ ქათმის ღვიძლი, 0,5 ჭიქა სოიოს სოუსი, 1 ჩ.კ. თაფლი, 1 ს.კ. ზეითუნის ზეთი, მარილი, თეთრი პილპილი, – გემოვნებით.

მომზადება: ქათმის ღვიძლი გავრეცხოთ. სოიის სოუსს მოვაკლოთ 2 ს.კ. დანარჩენი კი დავასხათ ღვიძლს და გავაჩეროთ 1 საათი. შემდეგ ღვიძლი დავჭრათ საშუალო ზომის ნაჭრებად და ხის წვრილ შამფურებზე წამოვაგოთ. ქათმის დამარინადებული წვენი ჩავასხათ ქვაბში და იმდენივე წყალი დავასხათ. როდესაც სითხე ადუღდება, ჩავაწყოთ შამფურზე წამოცმული ღვიძლები და დაბალ ცეცხლზე ვხარშოთ 10-12 წუთის განმავლობაში. ხანდახან შამფურები შევაბრუნოთ. ამასობაში მოვამზადოთ ღვიძლთან ერთად მისატანი სოუსი: თასში ჩავასხათ დარჩენილი სოიოს სოუსი, ზეითუნის ზეთი, მარილი, პილპილი, თაფლი და ავურიოთ. მზა კერძი სოუსთან ერთად მივირთვათ.

© ღვინის კლუბი/Weekend