ქათამი რუმინულად

საჭირო მასლა: 6 ცალი ქათმის ბარკალი კანის გარეშე,  2 ს.კ. ზეითუნის ზეთი, 2 ცალი ბულგარული წიწაკა, 80 გ. შებოლილი ლორი, 2 კბილი ნიორი, 500 გ. დაკონსერვებული პომიდორი, 0,5 ჭიქა თეთრი მშრალი ღვინო, 0,5 ჩ.კ. კვლიავი, 0,5 ჭიქა ქათმის ბულიონი, 0,5 ჩ.კ. მაიორანი,  1 კონა ოხრახუში, მარილი, წიწაკა - გემოვნებით.

მომზადება: ქათმის ხორცს მოვაყაროთ წიწაკა, მარილი და ზეთდასხმულ, გახურებულ ტაფაზე შევწვათ. ამავე ტაფაში მოვათავსოთ წვრილად დაჭრილი წიწაკა და ლორი, ჩავუწიოთ ცეცხლს და მოვშუშოთ, 5 წუთის შემდეგ დავუმატოთ თხლად დაჭრილი ნიორი, სანელებლები, პომიდორი და ღვინო, შიგ ჩავაწყოთ ქათმის ნაჭრები, დავახუროთ საფარებელი და დაბალ ცეცხლზე ვშუშოთ 25-30 წუთის განმავლობაში. მზა კერძს მოვაყაროთ წვრილად დაჭრილი ოხრახუში. ეს კერძი შეგვიძლია მივირთვათ როგორც ცხელ, ასევე ცივ მდგომარეობაშიც.

© ღვინის კლუბი/Weekend