თურქული გუფთები იოგურტის დიპით

საჭირო მასალა: 1 თავი ხახვი, 2 კბილი ნიორი, 1 ს.კ. დაღერღილი ცხარე წიწაკა, 3 ს.კ. წვრილი ბულგური, 700 გ ცხვრის ხორცი, 1 კვერცხი, 8 ს.კ. ზეთი, 5 ღერი პიტნა, 250 მლ იოგურტი, მარილი, წიწაკა, შაქარი – გემოვნებით

მომზადება: ხახვი და ნიორი წვრილად დავკეპოთ, დავუმატოთ  დაღერღილი წიწაკა, ბულგური, გატარებული ცხვრის ხორცი, კვერცხი, მარილი, 3 ს.კ. ზეთი და ხელით ავზილოთ. შემდეგ 1 საათით მაცივარში შევდგათ. პიტნა დავნაყოთ, შევურიოთ იოგურტი, მარილი, წიწაკა და შაქარი. ფარშისაგან 16 ცალი მოგრძო ფორმის გუფთა გავაკეთოთ და გაცხელებულ ზეთში შევწვათ. გუფთები სუფრაზე პიტნიან სოუსთან ერთად მივიტანოთ.

© ღვინის კლუბი/Weekend