წვნიანი კარტოფილისა და ყველის გუფთებით

საჭირო მასალა:

1,5 ლ ხორცის ბულიონი

1 კონა ოხრახუში

1 ცალი პატარა სტაფილო

50 გ გახეხილი ყველი

3 ცალი მოხარშული კარტოფილი

ფქვილი – რამდენსაც შეიზელს

მარილი, ჯავზი და წიწაკა - გემოვნებით

მომზადება: კარტოფილი დავჭყლიტოთ, ავურიოთ ყველი და ცოტა მარილი, შევაზილოთ იმდენი ფქვილი, რომ გავაკეთოთ პატარა გუფთები და შემდეგ ამოვავლოთ კვლავ ფქვილში. ბულიონი ავადუღოთ სტაფილოსთან ერთად, გავუწყოთ სანელებლები და შიგ ჩავყაროთ გუფთები. როდესაც გუფთები მოიხარშება, მოვაყაროთ მსხვილად დაჭრილი ოხრახუში.

© ღვინის კლუბი/“Weekend“