ბერძნული წვნიანი “ავგოლემონო”

საჭირო მასალა: 3 ს.კ. ბრინჯი, 1 ლ. ქათმის ან ბოსტნეულის ბულიონი, 1 ცალი მოზრდილი ლიმონი, 3 ცალი კვერცხი, მარილი და თეთრი პილპილი – გემოვნებით.

მომზადება: ბრინჯი კარგად გავრეცხოთ. ბულიონი წამოვადუღოთ, შევანელოთ მარილითა და პილპილით, ჩავყაროთ ბრინჯი და ვხარშოთ დაბალ ტემპერატურაზე 15-20 წუთის განმავლობაში. ლიმონი გავწუროთ. კვერცხის გული და ცილა გავაცალკევოთ. ლიმონის წვენი და კვერცხის ცილა კარგად ავთქვიფოთ და თანდათან დავუმატოთ კვერცხის გულიც. ამ მასას ნელ-ნელა ვამატოთ 1 ჭიქა თბილი ბულიონი მცირე ნაკადით ისე, რომ თქვეფა არ შევწყვიტოთ, შემდეგ ცეცხლს დავუწიოთ და კვერცხიანი მასა ჩავასხათ ქვაბში დანარჩენ ბულიონთან, თან ვთქვიფოთ, რომ არ აიჭრას. როცა წამოდუღდება, გადმოვდგათ ცეცხლიდან.

© ღვინის კლუბი/Weekend