ვაშლის სუფლე დარიჩინით

საჭირო მასალა:1 ცალი საშუალო ზომის ტკბილი ვაშლი, მწიკვი დარიჩინი, 1 კვერცხის ცილა, 1 ს.კ. შაქარი, 0,5 პატარა ლიმონი.

მომზადება: ვაშლი გავრეცხოთ, გავფცქვნათ, თესლი ამოვაცალოთ და დავჭრათ.  ჩავყაროთ პატარა ქვაბში, დავაწუროთ ლიმონი და დავასხათ 2 ს.კ. წყალი. მოვაყაროთ მწიკვი დარიჩინი და საშუალო ტემპერატურაზე 6-8 წუთის განმავლობაში ვშუშოთ. მოშუშული ვაშლი საცერზე გავატაროთ. კვერცხის ცილა და შაქარი ავთქვიფოთ. მიღებულ ბეზეს დავუმატოთ საცერზე გატარებული ვაშლი. სუფლეს მასა მოვათავსოთ სუფლეს ფორმებში და 180 გრადუსზე გახურებულ ღუმელში 15 წუთი ვაცხოთ.

© ღვინის კლუბი/Weekend