ბრაუნი ნუშით

 

საჭირო მასალა: 170 გ კარაქი, 1 სკ ვანილის შაქარი, 3/4 ჭიქა შაქარი, 135 გ შავი შოკოლადი, 2 კვერცხი, 100 გ ფქვილი, მწიკვი მარილი, 1 ჩ.კ. გამაფხვიერებელი, 1.5 ჭიქა მსხვილად დაჭრილი ნიგოზი. მინანქრისთვის – 1/3 ჭიქა მაღალპროცენტიანი ნაღები, 2/3 ჭიქა შავი შოკოლადი, 3 ს.კ. დარბილებული კარაქი.

 

მომზადება: კარაქი და შაქარი კარგად გავთქვიფოთ, თანდათანობით დავუმატოთ მარილთან ერთად გათქვეფილი კვერცხი. ორთქლის ან წყლის აბაზანაზე დავადნოთ შოკოლადი და ისიც შევათქვიფოთ. ცალკე თასში ავურიოთ გამაფხვიერებელი, ვანილი, ფქვილი და ნიგოზი. კარაქიანი და ფქვილიანი მასები ერთმანეთს შევურიოთ და მოვათავსოთ 20 სმ დიამეტრის ცხიმწასმულ ფორმაში. ბრაუნი 45 წუთის განმავლობაში გამოვაცხოთ წინდაწინ 180 გრადუსზე გახურებულ ღუმელში. მინანქრის მოსამზადებლად ნაღები მივიყვანოთ ადუღებამდე, მასში გავადნოთ შოკოლადი, გადავიტანოთ მიქსერის ჯამში და კარაქთან ერთად გავთქვიფოთ. მინანქარი შევაგრილოთ და მოვასხათ ნამცხვარს.