ბანანის ავსტრალიური ღვეზელი

საჭირო მასალა: ღვეზლისთვის - 150 გ კარაქი, 2 ცალი მწიფე ბანანი, 1 ცალი დაჭყლეტილი ბანანი, 200 გ შაქარი, 3 კვერცხი, 200 გ ფქვილი, 2 ჩ.კ. გამაფხვიერებელი ფხვნილი, 50 გ დაფქული თხილი.

მინანქრისთვის – 100 გ შაქარი, 25 მლ წყალი, 100 მლ ნაღები, 100 გ მწარე შოკოლადი.

მომზადება: 20-24 სმ დიამეტრის საცხობ ფორმას წავუსვათ 1 ჩ.კ. კარაქი. ბანანი პატარა კუბებად დავჭრათ. ტაფაზე გავადნოთ 4 ჩ.კ. კარაქი და დაჭრილი ბანანი შევბრაწოთ 1 წუთის განმავლობაში, შემდეგ  მასის ნახევარი მოვათავსოთ ფორმაში. ფქვილი, გამაფხვიერებელი ფხვნილი და თხილი ავურიოთ. დარჩენილი კარაქი გათეთრებამდე გავთქვიფოთ შაქართან ერთად. დავუმატოთ თითო-თითო კვერცხი, მშრალი ინგრედიენტები. შევურიოთ დაჭყლეტილი ბანანი და ჩავასხათ ფორმაში. ცომის ზემოდან გადავანაწილოთ დარჩენილი შემწვარი ბანანი და გამოვაცხოთ საშუალოდ გახურებულ ღუმელში. ნამცხვარი ფორმაში შევაგრილოთ და მერე  ამოვიღოთ.  შაქარი და წყალი ავადუღოთ. ცალკე შევათბოთ ნაღები.  როდესაც სითხე ოდნავ ფერს შეიცვლის და შაქარი გაიხსნება, ფრთხილად შევურიოთ ნაღებს. კარგად რომ აირევა, დავუმატოთ შოკოლადის ნატეხები და ვურიოთ, სანამ ერთგვაროვან მასად არ იქცევა. მომზადებული მინანქარი მოვასხათ ნამცხვარს.

© ღვინის კლუბი/Weekend