ჩვენი გაზეთის ერთ-ერთ წინა ნომერში ვწერდით იმის შესახებ, რომ ღვინის მოყვარულები, მეღვინეები, მევენახეები, კრიტიკოსები თუ ვაჭრები დღითიდღე უფრო აქტიურად იყენებენ ინტერნეტის სიკეთეებსა და უსაზღვრო შესაძლებლობებს და ვირტუალური ურთიერთობების წყალობით ახალ სიმაღლეებს იპყრობენ. და აი, ა.წ. 29 მარტს ღვინის მოყვარულებმა სოციალურ ქსელ Twitter –ზე ერთგვარი სადეგუსტაციო სესია მოაწყვეს, რომელიც რამდენიმე საათს გრძელდებოდა. ქსელში დარეგისტრირებულ მომხმარებლებს თავიანთ ფავორიტ ღვინოზე უნდა გაეკეთებინათ ჩანაწერი, რომლის მოცულობაც შეზღუდული იყო და 140 სიმბოლოთი შემოიფარგლებოდა. ონლაინ დისკუსიაში რამდენიმე ასეულმა ადამიანმა მიიღო მონაწილეობა. მათგან ზოგიერთმა სესიის ტექნიკურ მხარეზე დაიჩივლა და დანანებით აღნიშნა, რომ საყვარელი ღვინის თვისებებისა და დახასიათების 140 სიმბოლოთი გადმოცემა შეუძლებელია.
© ღვინის კლუბი/Weekend
ბეჭდვა
თქვენი კომენტარი