შერბეთი

საჭირო მასალა: 1,5 კგ შაქარი, 1 კგ რძის ფხვნილი, 400 გ ნიგოზი, 340 მლ წყალი, 1/3 ჩ.კ. ვანილი, 100 გ კარაქი.

მომზადება: ნიგოზი მოვხალოთ, გადავაცალოთ ფერფლი და მსხვილად დავფქვათ.

სქელძირიან ქვაბში მოვათავსოთ 200 გ შაქარი და მივიყვანოთ კარამელიზაციამდე. დავუმატოთ წყალი. როცა გადნება, დავაყაროთ დანარჩენი შაქარი და ვანილი. შეგვძლია შაქრის რაოდენობა 100-150 გრამით შევამციროთ. როცა შაქარი კარგად გაიხსნება, დავუმატოთ კარაქი. როცა ვაჟინი მუქ ყავისფერს მიიღებს, გადმოვდგათ ცეცხლიდან, დავუმატოთ ნიგოზი და რძის ფხვნილი. ჯერ კიდევ ცხელი მასა მიქსერით ვთქვიფოთ. მასა ლანგარზე გადმოვიტანოთ და სველი ხელებით გადავასწოროთ. მასა ძალიან მალე სქელდება, ამიტომ, ეს პროცედურა სწრაფად უნდა ჩავატაროთ. ოდნავ შეგრილებული შერბეთი პატარა ნაჭრებად დავჭრათ.

© ღვინის კლუბი/Weekend