პოლონური ხაჭოს პასკა

1 კგ ცხიმიანი ხაჭო, 5 კვერცხის გული, 200 გ კარაქი, 250 გ არაჟანი, 300 გ შაქარი, 2 პაკეტი ვანილი, 250გ ხმელი ხილი (ქიშმიში, ლეღვისა და გარგარის ჩირი), ნუში და ნიგოზი.

ხაჭო სამჯერ გავატაროთ ხორცსაკეპ მანქანაში ან მიქსერით კარგად ავთქვიფოთ. ორთქლზე მოვამზადოთ გოგლიმოგლი. ცოტა რომ გაგრილდება, დავამატოთ შერბილებული კარაქი, ხაჭო, არაჟანი და გავაგრძელოთ თქვეფა ერთგვაროვანი მასის მიღებამდე. დავუმატოთ წინასწარ დაჭრილი ხმელი ხილი, კანგაცლილი ნუში, ნიგოზი და კარგად მოვურიოთ. ჩავდოთ სპეციალურ ფორმაში, რომელსაც კარგად გაწურულ დოლბანდს ჩავუფენთ, თავზე წნეხი (ნებისმიერი სიმძიმე) დავადოთ და მთელი ღამით მაცივარში მოვათავსოთ.