კალმახის შტრუდელი

საჭირო მასალა: ცომი - 250 გ ფქვილი, 1 ს.კ. მზესუმზირის ზეთი, 0,5 ს.კ. ღვინის ძმარი, მწიკვი მარილი, ზეთი – წასასმელად.
გულსართი – 500 გ კალმახის ფილე კანის გარეშე, 1 ჩ.კ. ჯავზი, 400 მლ ნაღები, მარილი, თეთრი პილპილი.
სხვა – 50 კარაქი, ფქვილი – სამუშაოდ
მომზადება: მოვზილოთ ცომი: ფქვილი, ზეთი, ძმარი, მარილი, 200 მლ თბილი წყალი შევურიოთ და მკვრივი ცომი მოვზილოთ. ზემოდან წავუსვათ ზეთი, ჩავდოთ ცელოფანში  და 1 საათით მაცივარში მოვათავსოთ. დაჭრილი კალმახის ფილე, ჯავზი, მარილი და ცოტა ნაღები  ბლენდერით დავაქუცმაცოთ, თანდათან ვუმატოთ ნაღები, სანამ პრიალა, ერთგვაროვან მასას არ მივიღებთ. გულსართი ცოტა ხნით მაცივარში სევდგათ და გამოვიღოთ ცომი. ღუმელი 180 გრადუსზე გავაცხელოთ. ცომი ფქვილმოყრილ ზედაპირზე ერთხელ მოვზილოთ. გავფინოთ ტილო, ზედ ძალიან თხლად გავაბრტყელოთ ცომი და მოვასხათ დამდნარი კარაქი, ზედ გადავანაწილოთ გულსართი და ტილოს დახმარებით ფრტხილად გადავახვიოთ. შტრუდელი მოვათავსოთ ქაღალდჩაფენილ ფორმაში, ზემოდანაც დამდნარი კარაქი წავუსვათ და ვაცხოთ 30 წუთის განმავლობაში.
© ღვინის კლუბი /Weekend