საჭირო მასალა: 350 გ მაღალი ხარისხის გრძელი ბრინჯი, 1 ს.კ. ზეთი, 0,5 ჩ.კ. კამის თესლი, 1,5 ჩ.კ. მდოგვის მარცვლები, 1 ჩხირი დარიჩინი, 825 მლ წყალი, 2 ჩ.კ. მარილი, 0,5 ჩ.კ. კურკუმა, 125 მლ ლიმონის წვენი, 2 ს.კ. კარაქი, 1 ლიმონი, 5-6 ღერი ოხარხუში.
მომზადება: ბრინჯი 15-20 წუთით ცივ წყალში დავალბოთ. ამასობაში სქელძირიან ქვაბში გავაცხელოთ ზეთი, დავუმატოთ მდოგვის მარცვლები, კამის თესლი და დარიჩინის ჩხირი. როდესაც კამის თესლი გაოქროსფერდება, დავუმატოთ გადაწურული ბრინჯი და 2-3 წუთი ვურიოთ. შემდეგ დავასხათ მარილიანი წყალი და დავაყაროთ კურკუმა. 1-2 წუთში, როდესაც წყალი ადუღდება, ცეცხლს დავუწიოთ, ქვაბს დავახუროთ სახურავი და ხარშვა განვაგრძოთ. დაახლოებით 20 წუთში, როდესაც ბრინჯი მთელ წყალს შეიწოვს, ქვაბს სახურავი მოვხადოთ, ამოვიღოთ დარიჩინის ჩხირი, დავასხათ ლიმონის წვენი და ზემოდან მოვათავსოთ კარაქის ნაჭრები. 2-3 წუთში ბრინჯს ფრთხილად ამოვურიოთ. კერძი სუფრასთან ლიმონის ნაჭრებსა და ოხრახუშთან ერთად მივიტანოთ.
© ღვინის კლუბი/Weekend
ბეჭდვა
თქვენი კომენტარი