გვირგვინები კვერცხით

მომზადება: ფქვილი გავცრათ და ავურიოთ საფუარი. რძეში შევურიოთ თაფლი, შაქარი, კარაქი და მარილი, დავდგათ დაბალ ცეცხლზე და შევათბოთ მანამ, სანამ ერთმანეთში არ გაიხსნება ეს პროდუქტები. გადმოვდგათ ცეცხლიდან და შევაგრილოთ. თბილი რძე შევურიოთ ფქვილისა და საფუარის ნარევს და დავდგათ სითბოში. ცომი უნდა გაფუვდეს 2-3-ჯერ. ამის შემდეგ ცომი დავყოთ 12 ნაწილად და თითოეული ნაწილისაგან გავაკეთოთ თითო დაწნული გვირგვინი. მომზადებული გვირგვინები კვლავ თბილ ადგილას დავდოთ. 12 კვერცხი გავრეცხოთ და შევახვიოთ ცალკ-ცალკე ტყვიის ქაღალდში (ფოლგა).

1 კვერცხი გავთქვიფოთ და წავუსვათ გვირგვინებს, მოვაყაროთ დაფქული ნიგოზი, ზემოდან დავდოთ ფოლგაში გახვეული კვერცხი და 180 გრადუსზე გახურებუილ ღუმეში შევდოთ 30-40 წუთით. როდესაც გვირგვინები გამოცხვება, გამოვიღებთ, კვერცხებს მოვაცლით ტყვიის ქაღალდს, ნაჭუჭს და ჩავაწყობთ გვირგვინებში.