არაბული ფუნთუშები

საჭირო მასალა: 4 ჭიქა ფქვილი, 450 მლ წყალი, 1 ს.კ. მშრალი საფუარი, 1 ს.კ. შაქარი, 0,5 ჩ.კ. მარილი, 1 კვერცხი, 1-2 ს.კ. ზეთი. ვაჟინისთვის – 2 ჭიქა შაქარი, 1 ჭიქა წყალი, 1 ლიმონის წვენი, 1 ს.კ. ვარდის წყალი. ზეთი – შესაწვავად.

მომზადება: ფქვილი გავცრათ, კვერცხი მსუბუქად ავთქვიფოთ. თბილ წყალში გავხსნათ საფუარი, შაქარი და მარილი, შემდეგ დავუმატოთ გათქვეფილი კვერცხი და ფქვილი. მოვზილოთ ცომი, გარშემო წავუსვათ ზეთი და დავდგათ, რომ აფუვდეს. ამასობაში მოვამზადოთ ვაჟინი – წყალში არეული შაქარი დავდგათ ცეცხლზე. როცა ადუღდება, ჩავუმატოთ ვარდის წყალი და ლიმონის წვენი. ვაჟინი 5 წუთი ვხარშოთ, შემდეგ კი გადმოვდგათ ცეცხლიდან. აფუებული ცომი ზეთიანი ხელებით კაკლისოდენა ბურთულებად დავყოთ და ბლომად ზეთში შევწვათ. შემწვარი ფუნთუშები ამოვავლოთ თბილ ვაჟინში და გადავიტანოთ საწურზე, რომ დაიწრიტოს.

© ღვინის კლუბი/Weekend