შამპანური Sotheby's-ისგან

აუქციონის სახლმა Sotheby's-მა საკუთარი შამპანური გამოუშვა. შამპანური ინტერნეტის საშუალებით, აუქციონების მიმდინარეობისას და Sotheby's-ის ბუტიკში გაიყიდება, რომელიც ნიუ-იორკში მდებარეობს. ერთი სტანდარტული ბოთლის ფასი დაახლოებით 30 დოლარი იქნება, მაგნუმი კი 70 დოლარამდე ეღირება. შამპანურის ჩამოსხმის პატივი კომპანია R&L Legras-ს ერგო. ეს ცნობილი კომპანიაა, რომელიც ჯერ კიდევ 1908 წელს დაარსდა და საფრანგეთის არაერთ პრესტიჟულ რესტორანს ამარაგებს პროდუქციით. სოთბის შამპანური საფრანგეთის ჩრდილო-აღმოსავლეთში მოწეული შარდონესგან არის დაყენებული. სოთბის ღვინის განყოფილების გენერალური დირექტორი ამერიკისა და აზიის განხრით, ჯეიმი რიჩი, ამბობს, რომ მათი შამპანური “მსუბუქი, ცოცხალი და ელეგანტურია”. მისი თქმით, იგი უკვე 20 წელია, კომპანია R&L Legras-ის ღვინოების თაყვანისმცემელია და მოხარულია, რომ სწორედ ის შეირჩა სოთბის შამპანურის წარმოებისთვის.

© ღვინის კლუბი/Weekend