გამოქვეყნებულია: 8 ივნისი, 2010 - 12:00
საჭირო მასალა: 1 კგ. ხბოს ხორცი, 1 ქილა დაკონსერვებული თეთრი ლობიო, 1 ქილა დაკონსერვებული წითელი ლობიო, 400 გ. ბროკოლი, 3 თავი ხახვი, 2 ს.კ. კარაქი, 2 ს.კ. ზეთი, 4 ს.კ. წყალი, 3 ს.კ. სოიოს სოუსი, 2 ს.კ. ლიმონის წვენი, 1/2 ჩ.კ. დაფქვილი ჯანჯაფილი, მარილი და პილპილი გემოვნებით.
მომზადება: ხორცი დავჭრათ მომცრო ნაჭრებად, დავასხათ ლიმონის წვენი, სოიოს სოუსი და გავაჩეროთ 1 საათი მაცივარში. შემდეგ დავყაროთ ტაფაზე, დავუმატოთ ზეთი, კარაქი და წყალი, შევანელოთ მარლი-პილპილით, ჯანჯაფილით და საშუალო ცეცხლზე შევწვათ თავდახურულ მდგომარეობაში. როდესაც წყალი ამოშრება და მხოლოდ ცხიმი დარჩება, დავუმატოთ ალყა-ალყა დაჭრილი ხახვი და გავაგრძელოთ შუშვა მომზადებამდე. მარილწყალში მოვხარშოთ დანაწევრებული ბროკოლი და ლობიოსთან ერთად დავუმატოთ ხორცს, მოვურიოთ რამდენიმეჯერ და ცხელ მდგომარეობაში მივიტანოთ სუფრასთან.
© ღვინის კლუბი/“Weekend“
ბეჭდვა
თქვენი კომენტარი