წვნიანი გოგრითა და ისპანახით

საჭირო მასალა: 2 თავი ხახვი, 1 კბილი ნიორი, 400 გ გოგრის რბილობი, 400 გ კარტოფილი, 150 გ ისპანახი, 1 ს.კ. ზეთი, 0,5 ს.კ. კარაქი, 500 მლ ბოსტნეულის ბულიონი, 0,5 წიწაკა ჩილი, 4 ღერი ოხრახუში, 30 გ მარილიანი, მოხალული ნუში, 0,5 ლიმონის წვენი და ცედრა, მწიკვი დარიჩინი და შაქარი, მარილი, პილპილი – გემოვნებით.

მომზადება: ხახვი და ნიორი გავფცქვნათ და წვრილად დავჭრათ. კარტოფილი და გოგრა 2 სმ ზომის ნაჭრებად დავჭრათ. ზეთი და კარაქი ერთად გავაცხელოთ ტაფაზე, დავუმატოთ ნიორი და ხახვი და საშუალო ცეცხლზე მოვშუშოთ 2 წუთის განმავლობაში. დავუმატოთ კარტოფილი და გოგრა. 4 წუთში დავასხათ ბოსტნეულის ბულიონი და თავდახურული ვხარშოთ 20 წუთის განმავლობაში. ამასობაში ჩილი და ოხრახუში წვრილად დავკეპოთ, დავუმატოთ ნუში და ლიმონის წვენი. გოგრის წვნიანს შევურიოთ ისპანახი, მარილი, პილპილი, შაქარი, ლიმონის ცედრა და დარიჩინი. როცა წამოდუღდება, შევურიოთ ნუშისა და ოხრახუშის ნარევი.

© ღვინის კლუბი /Weekend