წიწაკის წვნიანი ხორცით

საჭირო მასალა: 300 გ ხახვი, 3 ცალი ტკბილი წითელი წიწაკა, 3 ს.კ. ზეითუნის ზეთი, 8 ღერი ქონდარი, 1,5 ს.კ. პაპრიკა, 1 ს.კ. ვარდისფერი პილპილი (დაფქული), 125 მლ თეთრი მშრალი ღვინო, 600 მლ ბოსტნეულის ბულიონი, 200 მლ სქელი ნაღები, 250 გ ხორცის შერეული ფარში, 4 ღერი ოხრახუში, 40 გ მოშუშული ხახვი, მარილი – გემოვნებით.

მომზადება: ხახვი დავჭრათ საშუალო ზომაზე. წიწაკები მეოთხედებად დავჭრათ, ამოვაცალოთ თესლი და შემდეგ კუბებად დავჭრათ. ხახვი და წიწაკა 3 ს.კ. ზეთში მსუბუქად მოვშუშოთ. ქონდარი დავკეპოთ. პაპრიკა და ვარდისფერი პილპილი ქონდართან ერთად მოშუშულ ბოსტნეულს დავუმატოთ და 1 წუთი ვშუშოთ. დავასხათ ღვინო და რომ წამოდუღდება, ბულიონი და ნაღებიც დავუმატოთ. მოვაყაროთ მარილი და თავდახურული 20 წუთი ვადუღოთ. ხორცის ფარში დარჩენილ ზეთში მოვშუშოთ. ნიორი დავკეპოთ და ფარშს დავუმატოთ წიწაკის მასასთან ერთად. მოვაყაროთ პაპრიკა. ოხრახუში წვრილად დავჭრათ. წვნიანი მსუბუქად ავთქვიფოთ ბლენდერით, მოვაყაროთ ოხრახუში და მოშუშული ხახვი.

© ღვინის კლუბი /Weekend