საჭირო მასალა: 300 გ გარჩეული წაბლი, 3 ცალი დაფნის ფოთოლი, 2 ს.კ. კარაქი, 500 მლ ძროხის ბულიონი, 125 მლ სქელი ნაღები, 3 ს.კ. კრემფრეში, 1 კონა მწვანე ხახვი, მარილი და ვარდისფერი წიწაკა – გემოვნებით.
მომზადება: წაბლი წვრილად დავჭრათ. მწვანე ხახვი წვრილად დავჭრათ. ქვაბში გავადნოთ კარაქი, დავუმატოთ წაბლი, დაჭრილი ხახვის ნახევარი და მოვშუშოთ. დავასხათ ნაღები და ბულიონი. ვხარშოთ 15 წუთის განმავლობაში. ფორთოხალს დანით მოვაცალოთ ქერქი ისე, რომ თეთრი რბილობიც მოშორდეს. ასევე მოვაშოროთ ლებნებს შორის თეთრი კანი. გაფცქვნისას წვენი რაც გამოიწურება, შევინახოთ. მოხარშული ინგრედიენტები ბლენდერით ავთქვიფოთ. დავასხათ ფორთოხლის წვენი, მოვაყაროთ მარილი და პილპილი. თუ წვნიანი სქელი იქნება, ცოტა ბულიონი დავუმატოთ სასურველი კონსისტენციის მიღებამდე. წვნიანი თეფშებზე გადავანაწილოთ, ჩავასხათ ცოტაოდენი კრემფრეში, მოვაყაროთ დარჩენილი დაჭრილი მწვანე ხახვი და ჩავაწყოთ ფორთოხლის გარჩეული ნაჭრები.
© ღვინის კლუბი /Weekend
ბეჭდვა
თქვენი კომენტარი