ვირთევზა ბეკონითა და ბროკოლით

საჭირო მასალა: 400 გ კარტოფილი, 300 გ ვირთევზას ფილე, 4 ფენა ბეკონი, 500 გ ბროკოლი, 6-8 ს.კ. უცხიმო რძე, 1 ს.კ. ზეითუნის ზეთი, 2 ტოტი როზმარინი, მარილი, წიწაკა, ჯავზი – გემოვნებით.

მომზადება: კარტოფილი გავფცქვნათ, საშუალო ზომაზე დავჭრათ და მდუღარე მარილიან წყალში მოვხარშოთ. ღუმელი 220 გრადუსზე გავახუროთ. ფორმაში ჩავაფინოთ საცხობი ქაღალდი. როზმარინი დავკეპოთ, დავუმატოთ ზეთი და მარილი. თევზი 4 ნაწილად გავჭრათ, წავუსვათ როზმარინიანი ზეთი და თითო ნაჭერი თევზი თითო ფენა ბეკონში რულეტივით გადავახვიოთ. თევზის ნაჭრები მოვათავსოთ ფორმაში და 12-15 წუთი ვაცხოთ. ამასობაში ბროკოლი ყვავილედებად დავანაწევროთ და 5 წუთის განმავლობაში მდუღარე მარილიან წყალში მოვხარშოთ. გადავწუროთ და დავუმატოთ წიწაკა. კარტოფილი გადავწუროთ, დავასხათ რძე, დავუმატოთ ჯავზი, მარილი და გავაკეთოთ პიურე. თეფშზე ერთად მოვათავსოთ თევზის ნაჭერი, ბროკოლი და კარტოფილის პიურე.

© ღვინის კლუბი /Weekend