ტოსტები სოკოთი და გოგრით

საჭირო მასალა: 6 ნაჭერი შავი ან რუხი პური, 0.5 კგ გოგრა, 200 გ სოკო, 50 მლ არაჟანი, 1-2 ჩ.კ. შაქარი, 2-3 ს.კ. ფქვილი, 2-3 ს.კ. ზეთი, მარილი, პილპილი - გემოვნებით.

მომზადება: გოგრა გავასუფთავოთ, კანი მოვაცალოთ, დავჭრათ, ამოვავლოთ ფქვილში და ცხელ ტაფაზე ზეთში შევწვათ. დავუმატოთ შაქარი, დაჭრილი სოკო, არაჟანი და მოვშუშოთ გოგრის სრულ მომზადებამდე. გავუწყოთ მარილი და  პილპილი. გავაცხელოთ ღუმელი 180 გრადუსამდე, 6 წუთის განმავლობაში გავხუხოთ პურის ნაჭრები, ზემოდან გადავანაწილოთ გოგრისა და სოკოს მასა და 10 წუთის განმავლობაში გამოვაცხოთ.

© ღვინის კლუბი/Weekend