ტკბილი წიწაკის მუსი

საჭირო მასალა: 3 ცალი ტკბილი წიწაკა, 3 კბილი ნიორი, 200 გ მასკარპონე (შეგვიძლია ჩავანაცვლოთ ნადუღით), 100 მლ თეთრი მშრალი ღვინო, 10 გ ჟელატინი, მარილი, წიწაკა – გემოვნებით.

მომზადება: ნიორი და წიწაკები გამოვაცხოთ ღუმელში, სანამ არ დარბილდება. შემდეგ ჩავდოთ ცელოფანში და შევაგრილოთ. გაგრილებულ წიწაკებს გავაცალოთ კანი. ჟელატინი დავალბოთ ღვინოში. 30 წუთის შემდეგ დავდგათ ცეცხლზე და დავადნოთ, არ ავადუღოთ. წიწაკა, ნიორი, ყველი და ნადუღი ბლენდერში დავაქუცმაცოთ. თქვეფის პროცესში შევურიოთ ჟელატინი და 1-2 წუთი კიდევ ვთქვიფოთ. ბოლოს დავუმატოთ მარილი და წიწაკა, გადავანაწილოთ ჭიქებში  და გავაცივოთ.

© ღვინის კლუბი/Weekend