სოკოს ღვეზელი

საჭირო მასალა:

ცომისთვის:

300 გ ფქვილი

150 გ საყინულეში გაცივებული კარაქი

2 კვერცხის გული

1 ს.კ. არაჟანი

მწიკვი მარილი

გულსართისთვის:

500 გ სოკო

2 დიდი თავი ხახვი

200 მლ 20%-იანი ნაღები

2 ცალი კვერცხი

2 კბილი ნიორი

მწიკვი თავშავა

0.5 ჩ.კ. ძირა და თეთრი პილპილი

1 კონა ოხრახუში

მარილი, პილპილი - გემოვნებით

ზეითუნის ზეთი - ხახვის მოსაშუშად

მომზადება: მოვამზადოთ ცომი – ავკეპოთ ფქვილი და კარაქი, შევურიოთ მარილი, კვერცხის გული, არაჟანი. მოვზილოთ ცომი, გავხვიოთ ცელოფანში და 1 საათით გავაჩეროთ მაცივარში. გულსართისთვის ზეთში მოვშუშოთ ხახვი და დაქუცმაცებული ნიორი, დავუმატოთ დაჭრილი სოკო, მარილი, პილპილი, თავშავა და ვშუშოთ, სანამ სითხის ნახევარი ამოშრება. მომზადებულ გულსართს დავუმატოთ დაკეპილი ოხრახუში. ცომის 2/3 გავაბრტყელოთ, ჩავაფინოთ საცხობ ფორმაში, გვერდებიც ამოვუყვანოთ ხელით, ზედ მოვათავსოთ სოკოს მასა. ნაღებში გავთქვიფოთ კვერცხის გულები, ძირა და თეთრი პილპილი, დავასხათ გულსართს ზემოდან  და გადავაფაროთ გაბრტყელებული დარჩენილი ცომი. ცომის გვერდები შევკრათ, ზემოდან დავჩხვლიტოთ რამდენიმე ადგილას და გამოვაცხოთ 180 გრადუს ტემპერატურაზე გახურებულ ღუმელში დაახლოებით 1 საათის განმავლობაში.

© ღვინის კლუბი/Weekend