სადღესასწაულო კნოდელები სოკოს რაგუთი

საჭირო მასალა: 5 ნაჭერი წინა დღის პური, 250 მლ რძე, 2 თავი ხახვი, 0,5 ს.კ. კარაქი, ოთხ-ოთხი ღერი ოხრახუში და პრასა, 1 ტოტი როზმარინი, 1 კვერცხი, 1 კვერცხის გული, 50 გ წვრილად დაჭრილი შაშხი, 500 გ სოკო, 2-3 ს.კ. ზეთი, 250 მლ ბოსტნეულის ბულიონი, 3-4 ს.კ. ფქვილი, 50 მლ თეთრი მშრალი ღვინო, 200 გ სქელი ნაღები, მარილი, შავი პილპილი, ჯავზი – გემოვნებით, ცოტა დაჭრილი პრასა – მოსაყრელად.

მომზადება: პური დავჭრათ პატარა ნაჭრებად. გავაცხელოთ რძე და პურის ნაჭრებს დავასხათ. 10 წუთი დავტოვოთ, რომ დალბეს. ამასობაში 1 თავი ხახვი წვრილად დავჭრათ და კარაქში მოვშუშოთ. როზმარინს მოვაცალოთ ღერო, შევურიოთ ოხრახუშსა და პრასის ფოთლებს და ერთად დავჭრათ. კვერცხი, კვერცხის გული, დაჭრილი მწვანილი და ხახვი პურის მასას შევურიოთ. დავაყაროთ მარილი, პილპილი, ჯავზი და ყველაფერი ერთად კარგად ავზილოთ. მასისგან გავაკეთოთ პატარა ბურთულები და ადუღებულ მარილ-წყალში მოვხარშოთ დაახლოებით 20 წუთის განმავლობაში. მოხარშული კნოდელები ამოვიღოთ წყლიდან და დროებით შევინახოთ. სოკო დავჭრათ. ზეთდასხმულ, გახურებუ ტაფაზე დავყაროთ და 4-5 წუთი მაღალ ტემპერატურაზე ვშუშოთ. შემდეგ დავუმატოთ წვრილად დაჭრილი 1 თავი ხახვი ფქვილთან ერთად. 2 წუთში მოშუშულ სოკოს დავასხათ ბოსტნეულის ბულიონი, ღვინო და ნაღები. 4-5 წუთში რაგუ მზად იქნება, შევურიოთ კნოდელები და მოვაყაროთ დაჭრილი პრასა.

© ღვინის კლუბი/Weekend