ქათამი კარითა და სოკოთი

საჭირო მასალა: 2 ცალი ქათმის მკერდი, 100 გ ნიახურის ძირი, 2-3 ცალი ქამა სოკო, 1 ცალი სტაფილო, 100 გ ხახვი, 100 გ ცუკინი, 1 ჩ.კ. მშრალი რეჰანი, 3 ს.კ. კარაქი, 0,5 ს.კ. ზეთი, 1 ჭიქა რძე, 1 ს.კ. ფქვილი, 1 თავი ნიორი, 2 ჩ.კ. კარის ფხვნილი, მარილი, წიწაკა – გემოვნებით.

მოზადება: ქათმის ხორცი დავჭრათ და 1 ს.კ. კარაქში შევბრაწოთ. ქათმის ნაჭრები ამოვიღოთ თეფშზე. ყველანაირი ბოსტნეული თხლად და წვრილად დავჭრათ. ნიახური ცხიმიან ტაფაში მოვათავსოთ, 2-3 წუთის შუალედით დავუმატოთ სტაფილო და 2 ს.კ. წყალი. 5-6 წუთში მოშუშულ ბოსტნეულს დავასხათ ზეთი, დავაყაროთ სოკო, ცუკინი და როცა მოიშუშება, შემწვარი ქათმის ნაჭრებიც  ჩავაწყოთ. ტაფას დავახუროთ სახურავი და ცეცხლი გამოვრთოთ. მოვამზადოთ სოუსი – ტაფაზე გავადნოთ კარაქი, დავაყაროთ ფქვილი და 1-2 წუთი ვშუშოთ. ფქვილი უნდა გაოქროსფერდეს, შემდეგ ნელ-ნელა დავასხათ რძე და ცეცხლს ჩავუწიოთ. სოუსს გამუდმებით ვურიოთ, რომ არ მიიწვას. როდესაც შესქელდება, დავაყაროთ კარის ფხვნილი, დავასხათ მოშუშულ ბოსტნეულსა და ხორცს, შუაში მოვათავსოთ მთლიანი ნივრის თავი, მოვაყაროთ  რეჰანი, დავახუროთ სახურავი და 10-15 წუთის განმავლობაში დაბალ ცეცხლზე ვხარშოთ.

© ღვინის კლუბი/Weekend