საჭირო მასალა: 250 გ პასტა პენე, 500 გ ისპანახი, 1 თავი ხახვი, 1 კბილი ნიორი, 2 ს.კ. ზეთი, 4 კვერცხი, 100 გ სქელი ნაღები, 250 გ რიკოტა ან ნადუღი, 100 გ გახეხილი პარმეზანი, მარილი, წიწაკა, ჯავზი – გემოვნებით.
მომზადება: პასტა ჩავყაროთ ადუღებულ მარილიან წყალში და მოვხარშოთ. შემდეგ გადავწუროთ და შევაშროთ. ნიორი და ხახვი წვრილად დავჭრათ. ტაფაზე გავაცხელოთ ზეთი. ზედ დავყაროთ ხახვი და ნიორი. ვშუშოთ, სანამ არ დარბილდება. დავასხათ 200 მლ წყალი და წამოვადუღოთ, დავუმატოთ დაჭრილი ისპანახი, მარილი და წიწაკა. როცა მოითუთქება, გადმოვდგათ ცეცხლიდან და გადავწუროთ. ცალკე ჯამში ავურიოთ კვერცხი, ნადუღი, მარილი და ჯავზი, დავუმატოთ 80 გ პარმეზანი, პასტა და ისპანახი. ეს მასა 20 სმ დიამეტრის ცხიმწასმულ ფორმაში მოვათავსოთ, ზემოდან მოვაყაროთ დარჩენილი პარმეზანი, გადავაფაროთ ფოლგა და შევდგათ 170 გრადუსზე გახურებულ ღუმელში. 35-40 წუთის შემდეგ მოვხსნათ ფოლგა და 10-15 წუთი კიდევ ვაცხოთ.
© ღვინის კლუბი/Weekend
ბეჭდვა
თქვენი კომენტარი