ორაგულის ღვეზელი ისპანახით

საჭირო მასალა: 300 გ ისპანახი, 1 თავი ხახვი, 1 კბილი ნიორი, 1 ს.კ. კარაქი, 2 ს.კ. ფქვილი, 4-5 ს.კ. რძე, 150 მლ გათქვეფილი ნაღები, 3 ცალი კვერცხი, 150 გ შებოლილი ორაგული, მარილი, პილპილი, ჯავზი – გემოვნებით, 300 გ ფენოვანი ცომი, 1 კვერცხის გული – წასასმელად.

მომზადება: ისპანახი მოვწალოთ და გადავწუროთ. ხახვი და ნიორი წვრილად დავკეპოთ. კარაქი გავადნოთ, დავუმატოთ ხახვი, ნიორი და მოვშუშოთ. დავუმატოთ ისპანახი და ფქვილი და ვშუშოთ. დავუმატოთ 3-4 ს.კ. რძე, გათქვეფილი ნაღები, მარილი, პილპილი, ჯავზი და 10 წუთი ვშუშოთ. კვერცხი მოვხარშოთ და ოთხად გავჭრათ. ორაგული პატარა ნაჭრებად დავჭრათ. ფორმაში (30X20სმ) ორაგული და კვერცხი გადავანაწილოთ ისპანახის მასასთან ერთად. ზედ გადავაფინოთ გაბრტყელებული ფენოვანი ცომი და წავუსვათ რძეში გახსნილი კვერცხის გული. ღვეზელი ზემოდან დავჩხვლიტოთ და 25 წუთის განმავლობაში 180 გრადუსზე გამოვაცხოთ.

© ღვინის კლუბი /Weekend