კვერცხი მდოგვისა და ბარდის სოუსში

საჭირო მასალა: 80 გ სტაფილო, 80 გ ნიახური თავისი ფესვით, 80 გ პრასა, 600 მლ ბოსტნეულის ბულიონი, 100 გ ოსპი, 8 ცალი კვერცხი, 150 გ არაჟანი, 4-5 ს.კ. საშუალო სიცხარის მდოგვი, 1 მწიკვი შაქარი, 1 ს.კ. ფქვილი, მარილი, წიწაკა – გემვნებით.

მომზადება: სტაფილო, ნიახური და პრასა წვრილად დავჭრათ. ეს ყველაფერი ჩავყაროთ 400 მლ ბოსტნეულის ბულიონში, დავდგათ ცეცხლზე და მოვხარშოთ. ცალკე მოვხარშოთ ოსპი, გადავწუროთ, დავუმატოთ მოხარშული ბოსტნეული და ერთად წამოვადუღოთ. ბოსტნეული კარგად უნდა მოიხარშოს. ამასობაში მოვხარშოთ კვერცხი, გავაციოთ და გავაცალოთ ნაჭუჭი. თითოეული კვერცხი გავჭრათ ორად. არაჟანი, 200 მლ ბოსტნეულის ბულიონი და მდოგვი ერთმანეთში კარგად ავურიოთ, ჩავასხათ სქელძირიან ჭურჭელში და დავდგათ ცეცხლზე. მასა 5 წუთის განმავლობაში დაბალ ცეცხლზე ვადუღოთ და თან ვურიოთ. მზა სოუსს დავუმატოთ მარილი, წიწაკა, შაქარი და ბოსტნეულის ნარევი. მოხარშული კვერცხის ნაჭრები ჩავაწყოთ სოუსში და ისე მივიტანოთ სუფრასთან. ამ კერძს გარნირად შეგვიძლია შევუხამოთ კარტოფილის პიურე.

© ღვინის კლუბი/Weekend